Ingabe Uyazi?

(Izimpendulo zalemibuzo zingatholakala ezikhombweni zeBhayibheli ezinikeziwe, kanti uhla oluphelele lwezimpendulo lunyatheliswe ekhasini 27. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa yi-Watchtower Bible and Tract Society of New York, Inc.)

1. Lapho esola ababhali nabaFarisi, ubani uJesu athi ‘wabulawelwa phakathi kwendlu engcwele ne-altare’? (Mathewu 23:35)

2. Ngubani owayeyindodana kaBenjamini eyizibulo? (Genesise 46:21)

3. Imuphi umpristi wozalo luka-Aroni owayengumlobi onekhono nowayengumfundisi woMthetho? (Nehemiya 8:1, 2)

4. Kumelwe abe yini umuntu emehlweni ezwe ukuze ahlakaniphe ngempela? (1 Korinte 3:18, 19)

5. Ibizwa ngokuthini ingxenye yendlebe elengayo? (Levitikusi 14:14)

6. Yini uPawulu athi iba umphumela wokuthanda imali? (1 Thimothewu 6:10)

7. Lalimelelani “iphansi” lenqola yasezulwini embonweni kaHezekeli? (Hezekeli 1:22)

8. Lalibizwa ngokuthini itheku lapho amatilosi esaba khona ukuthi umkhumbi wawo wawungase ubhajwe esihlabathini ngesikhathi eyisa uPawulu eRoma njengesiboshwa? (IzEnzo 27:17)

9. Induku ka-Aroni yayenziwe ngasiphi isihlahla? (Numeri 17:8)

10. ULoti wazama ngezinga elingakanani ukuvikela izivakashi zakhe esixukwini? (Genesise 19:6-8)

11. Yiliphi igama elisetshenziswa eBhayibhelini ledolobha laseGibithe iMemphis? (Isaya 19:13)

12. Ibizwa ngokuthini inyamazane yensikazi? (IzAga 5:19)

13. Iziphi izinambuzane ezibizwa ngokuthi “ziyisizwe” ngenxa yokuhleleka komphakathi wazo okuyinkimbinkimbi? (IzAga 30:25)

14. Wayengubani umukhwe kaJuda ongumKhanani? (Genesise 38:2)

15. Inzalo exubile yembongolo yeduna nehhashi lensikazi ibizwa ngaliphi igama? (2 Samuweli 13:29)

16. Yini okuthiwa “iyisinengiso kuJehova”? (IzAga 12:22)

17. U-Eliya watshelwa ukuthi imuphi unkulunkulu wamanga abakwa-Israyeli abangu-7000 ababengamkhulekelanga? (1 AmaKhosi 19:18)

18. Iliphi igama eliye lasetshenziswa lapho kuhunyushwa womabili amagama elesiHeberu nelesiGreki elithi Sheoli nelithi Hayidese, elibangela ukudideka ngokuthi kwenzekani kwabafileyo? (IzEnzo 2:31, King James Version)

19. Ubani owahlulela kabi uHana ethi udakiwe? (1 Samuweli 1:13)

20. Ubani ebandleni laseRoma uPawulu ambiza ngokuthi “owamukelekayo kuKristu”? (Roma 16:10)

21. Imuphi umphostoli owaloba okuningi kakhulu emaVangelini ukwedlula bonke abanye abangu-11? (Mathewu 15:15)

22. Yini uPawulu ayisho eyabangela ukuba angabhaxabulwa? (IzEnzo 22:25-29)

23. Iziphi izinongo ezimbili uNikodemu azisebenzisa lapho elungiselela ukungcwaba umzimba kaJesu? (Johane 19:39)

24. Mangaki amadoda ayenochoko uJesu awelapha okwabuya eyodwa kuphela kuwo ukuzobonga? (Luka 17:12-19)

25. UMthetho wawukwenqabela ukuqalekisa umuntu onasiphi isifo, njengoba ayengenakukwazi ukuzivikela? (Levitikusi 19:14)

Izimpendulo Zemibuzo

1. “UZakariya indodana kaBarakiya”

2. UBela

3. U-Ezra

4. Isiwula

5. Igwagwa

6. ‘Izinto ezilimazayo,’ ezihlanganisa ‘ukudukiswa okholweni’

7. “Umkhathi onjengekristalu elimangalisayo”

8. ISirti

9. I-alimondi

10. Wathembisa ukusinika amadodakazi akhe

11. INofi

12. Indluzelekazi

13. Izintuthwane

14. UShuwa

15. Umnyuzi

16. Izindebe zamanga

17. UBali

18. Elithi isihogo

19. UmPristi Omkhulu u-Eli

20. U-Aphele

21. UPetru

22. Wathi wayengumRoma

23. Imure nenhlaba

24. Ayishumi

25. Oyisithulu