Isehlakalo Esibaluleke Kakhulu Emlandweni

Lesehlakalo sasiwukufa kukaJesu Kristu. Kungani kunjalo?

Salwela ukulunga kukaNkulunkulu, siqinisekisa ukuthi umuntu angagcina ubuqotho obuphelele kuNkulunkulu.

Savulela isintu ithemba lokuthola ukuphila okuphakade ePharadesi emhlabeni.

UJesu ngokwakhe waqalisa isikhumbuzo sokufa kwakhe ngobusuku bangaphambi kokufa kwakhe. Kwakuwumkhosi ongenamicikilisho. Phakathi nawo, uJesu watshela abalandeli bakhe: “Yenzani lokhu ukuba ningikhumbule.”—Luka 22:19, 20.

Ingabe uzokukhumbula?

OFakazi BakaJehova bakumema ukuba uhlanganyele nabo ekugcineni lesehlakalo esibaluleke kakhulu emlandweni. Kulonyaka usuku lungoLwesithathu, March 22, ngemva kokushona kwelanga. Siza uthintane nabaseHholo LoMbuso endaweni yakini ukuze uthole isikhathi esiqondile nendawo. Azikho izinkongozelo ezizothathwa, nezivakashi zamukelekile ukuba zizolalela inkulumo efundisayo futhi ziphawule izinqubo ezingenamicikilisho.