Miqueas
Né ti vara caguucabe golpe xhaga juez stiʼ Israel.
2 Ne de lii, Belén Efrata,
ni jma nahuiiniʼ para chuʼ lade ca grupu de familia* stiʼ Judá,
de lii zaree ni gaca gobernante ndaaniʼ guidxi Israel para naa;
maca dede ca tiempu yooxhoʼ que bizulú xquendanabánibe, ca dxi ni guizáʼ maʼ xadxí de gudiʼdiʼ.
3 Nga runi laabe zusaanabe laatu stúbitu
dede ora maʼ guxana gunaa ni nacaxiiñiʼ que.
Ne xcaadxi ni guiaana de ca bíʼchitu zabiguétacaʼ guidxi Israel.
4 Laabe zuzuhuaabe ne zápabe casi ti pastor ne zúnibe ni né stipa stiʼ Jehová,
ne zúnibe ni né guendanandxóʼ stiʼ lá Jehová Dios stibe.
Ne laacabe zabánicabe sin chuʼ ni guchibi laacabe,
purtiʼ óraca zindá guendanandxóʼ stibe dede ca lugar jma zitu stiʼ guidxilayú.
5 Ne laabe zedanebe guendariuudxí.*
Pa guedachuu asiriu ca ndaaniʼ guidxi stinu ne guxhatañeebe ca torre nadipaʼ stinu,
zandísanu gadxe pastor para gucaalú laabe, ya, xhono príncipe* de lade binni guidxilayú.
6 Né espada zápacabe layú stiʼ Asiria casi rapa ti pastor
ne zápacabe ca entrada stiʼ layú stiʼ Nemrod.
Ne laabe zulabe laanu de asiriu que
ora chuʼ lu layú stinu ne guxhatañee ndaaniʼ xquídxinu.
7 Ne ca ni guiaana de Jacob zácacaʼ lade stale guidxi
casi gupa ni zeeda de Jehová,
casi nisaguié ni riaba lu guixi,
ne qué ribézacaʼ gacané ca hombre laacaʼ
ninca cadi caquiiñecabe gacané ca xiiñiʼ ca hombre laacabe.
8 Ne ca ni guiaana de Jacob zácacaʼ lade ca guidxi roʼ ca,
lade stale guidxi,
casi ti lión ni rizá lade ca maniʼ ni nuu ndaaniʼ guiʼxhiʼ,*
casi ti lión nahuiiniʼ* lade manada dendxuʼ,
ridiʼdiʼ, riaaxha ne ruxuuxe.
Ne qué ziuu guirutiʼ tu gulá laacabe.
9 Ziasa naluʼ luguiáʼ de guiráʼ ca ni rucaalú lii purtiʼ zuni ganarluʼ;
guiráʼ ca enemigu stiluʼ zanitilucaʼ».
10 «Dxi ca —ndiʼ nga ni maʼ guníʼ Jehová—
zunduuxeʼ guiráʼ ca caballu ni nápaluʼ* ne zuniteluáʼ ca carru stiluʼ.
11 Zuniteluáʼ guiráʼ ca guidxi ni nuu lu layú stiluʼ
ne zusabaʼ guiráʼ lugar nadipaʼ stiluʼ.
13 Zuniteluáʼ ca bidóʼ ni bizaʼluʼ ne ca columna ni runi adorarluʼ ni nuu ra nuuluʼ,
ne maʼ qué zuzuxíbiluʼ nezalú ca ni bizaʼluʼ né naluʼ.
14 Zaxhaʼ ca poste ni runi adorarluʼ* ni nuu ra nuuluʼ
ne zunduuxeʼ ca guidxi stiluʼ.
15 Guizáʼ zadxiicheʼ ne zusihuinneʼ stale xiana ora guquixeʼ ni
ca guidxi roʼ ni qué naʼ guzuubaʼ diidxaʼ».