Ana Uchimwene wa Mlungu Uchitenda Chichi ni Ŵandu Ŵandale Ŵakusatenda Yachinyengo

Ŵandu akusasaka achimlongola ŵa boma ŵampaka ŵadalileje, ligongo apesile nawo achimlongola ŵa boma ŵakusatenda yachinyengo. Kuwungunya kukwatendekwe mu 2023, kwalosisye kuti pana achimlongola ŵele ŵandu ŵajinji ŵangakulupilila atamose panandi ŵali achimlongola ŵa boma.a

Nambo Baibulo jikusasala ya boma jele Mlongola jwakwe ali jwakudalilichika mnope nambosoni jwakuwona mtima, jwangatenda yachinyengo atamose panandi. Bomaji uli Uchimwene wa Mlungu, soni Mlongola jwakwe ali Yesu Klistu.—Yesaya 9:7.

Kupitila mu yakutenda yakwe, Yesu jwalosisye kuti akusiŵaganichisya ŵandu. (Mateyu 9:35, 36) Mpela Mwenye jwa Uchimwene wa Mlungu, jwalakwe chachiyikasya chilungamo soni mtendele kwa ŵandu wosope ŵakusampikanila.—Salimo 72:12-14.