Ana Uchimwene wa Mlungu Uchitenda Chichi ni Kusawusya kwa Chipanje?

Ŵandu ŵajinji pachilambo chosope akulaga mnope kuti apate mbiya syakwanila kusumila yindu yakusosechela paumi.

• Lipoti line lya pachilambo chosope lya pachangakaŵapa,a lyatite “mbiya syele ŵandu akusapata pamwesi ngasikukwanilaga kusumila yindu yakusosechela ligongo lyakunandipa kwa machili kwa mbiya.” Lipotili lyasasile kuti naga ngapakupatikana litala lyakumachisya yakusawusyayi, “chipaŵe kulekangana kwekulungwa pasikati pa ŵandu ŵakusichila ni ŵakulaga soni maŵasa galajeje mnope kupata yindu yakusosechela ya paumi.”

Ana maboma mpaka gakombole kumalana ni yakusawusya ya kusoŵa kwa chipanje kapena kwamba kunandiya panandi?

Baibulo jikusasala kuti pana boma jampaka jikombole kumalana ni yakusawusya yosope yakusoŵa kwa chipanje nambosoni kulekangana kwa ŵandu pangani ja kapate ka yindu yakusosechela paumi. Jikusasalasoni kuti “Mlungu jwakwinani tachitamilisya uchimwene,” jajili boma jajichijendesyaga yindu yosope pachilambopa. (Daniele 2:44) Bomaji pajichilamulilaga pangali jwalijose jwachachiliŵalidwa. (Salimo 9:18) Ŵandu ŵachachilamulilidwaga ni Uchimwene wa Mlungu chachikola yiliyose yayichakamuchisya kuŵa ŵakusangalala. Jwalijose chachisangalalaga mwakwanila ni masengo ga makono gakwe.—Yesaya 65:21, 22.