Ana Uchimwene wa Mlungu Uchimasya Chamtuli Ngondo?

Pachilambo chosope chapasi, ngondo sikupitilisya konanga yindu soni sikuyikasya yakusawusya yejinji. Alole malipoti gakuyichisyaga:

•  Pa Juni 7, 2023 Bungwe ja Peace Institute Oslo jatite, “Chaka cha 2022, ŵandu ŵajinji ŵawile ligongo lya ngondo jajatendekwe ku Ethiopia soni Ukraine. Ŵandu ŵaŵawile pangondoji ali ŵajinji kupundana ni ŵandu ŵaŵele ali mkuwa kutyochela m’chaka cha 1994.”

•  Pa Febuluwale 8, 2023, Bungwe ja The Armed Conflict Location & Event Data Project (ACLED), jatite “Ngondo ja ku Ukraine jasawisye mnope m’chaka cha 2022. Mwamti pachilambo chosope chapasi, yachiwawa yakwayana ni ndale yatupile mnope m’chaka chelechi soni ŵandu chiŵandika mabiliyoni 1.7, ŵakwayidwe ni yachiwawayi.”

Baibulo jikusasala ya chembecheyo. Jikusati “Mlungu jwakwinani tachitamilisya uchimwene wele ngisiwujonasika.” (Daniele 2:44) Mu Uchimwene welewu, kapena kuti boma jeleji, Mlungu ‘chachilekasya ngondo mpaka kumbesi kwa chilambo chapasi.’—Salimo 46:9.