CHIPANJE CHAKUSIMANIKWA M’MALOŴE GA MLUNGU | LEFITIKO 8-9

Umboni Wakulosya Kuti Yehofa Akwapa Upile Ŵandu Ŵakwe

8:6-9, 12; 9:1-5, 23, 24

Yehofa ŵatendekasisye moto kutinisya mbopesi jandanda jijapelechedwe paŵaŵikaga ŵambopesi ŵa m’liŵasa lya Aloni. Yeleyi yalosisye kuti, Yehofa akukamuchisya soni kwitichisya dongosolo jelejo. Aisalaeli paŵayiweni yaŵatesile Yehofayi, yatendekasisye jemanjajo kutanda kwakamuchisya ŵambopesiwo. Masiku agano, Yehofa akukamulichisya masengo Yesu Klistu mpela Jwamkulungwa jwa Ŵakutaga Mbopesi. (Aheb. 9:11, 12) Mu 1919, Yesu ŵasagwile kagulu kamwana ka achalume ŵasagulwe kuŵa “kapolo jwakulupichika ni jwalunda.” (Mat. 24:45, NWT) Ana ni umboni wapi wawukulosya kuti Yehofa, akumpa upile, kumkamuchisya, soni kumjitichisya kapolo jwakulupichikaju?

Mwangasamala kandu ni yakusawusya yangamala yaŵele mkusimana nayo, kapolo jwakulupichikaju akupitilisyape kupeleka chakulya chasimu
Mwakamulana ni yajasasile Baibulo, ngani syambone ‘sikulalichidwa pachilambo chosope chapasi.’—Mat. 24:14

Ana mpaka tumkamuchisye chamtuli kapolo jwakulupichika ni jwalundaju?

Chiwulili: 1. Yesu Klistu jwapegwile lumbili akulamulila chilambo chosope chapasi. 2. Kapolo jwakulupichika ni jwalunda asimene malo gamo kuti apeleche chakulya cha usimu. 3. M’bale akulalichila ngani syambone kwa jwamlume.