Ana Mpaka Ŵakulupilile Ŵani?—Ana Baibulo Jikusasala Yamti Uli?

Ŵandu akusatenguka naga ayiweni kuti ŵandu ŵakusiŵakulupililaga nganaŵasoni ŵakudalilichika. Mwamti ŵandu ŵajinji alesile kwakulupilila . . .

•  achimlongola ŵandale ŵakusagamba kuŵika pandanda yakusaka yawo mmalo mwakwakamuchisya ŵandu.

•  mawailesi soni ma Tv gagakusagulusya ngani syangalondola soni syakondela.

•  ŵasayansi ŵakusatenda yindu yangakamuchisya kwa ŵandu.

•  achimlongola ŵadini ŵakusajinjilila yandale mmalo mwakumtumichila Mlungu.

ŵandu akusosekwa kusamala ni ŵandu ŵakusiŵakulupililaga. Baibulo jikusasala kuti:

•  “Mkasimwakulupilila ayimwene, kapena ŵandu ŵane ŵangakupakombola kukamuchisya.”—Salimo 146:3

Ŵatukusosekwa kwakulupilila

 Baibulo jikusasala ya mundu jwampaka tumkulupilile: Yesu Klistu. Nganagamba kuŵa mundu jwambone juŵapali yaka yejinji munyumamu. Mlungu wammsagwile Yesu kuti ‘alamulile mpela mwenye . . . , soni Uchimwene wakwe ngasiwumala’ (Luka 1:32, 33) Yesu ali mwenye jwa Uchimwene wa Mlungu, jajili boma jajikulamulila sambano jino kutyochela kwinani.—Mateyu 6:10.

•  Kuti amanyilile ligongo lyakwe akusosekwa kumkulupilila Yesu,awalanje ngani syakuti “Ana Mwenye jwa Uchimwene wa Mlungu Ali Ŵani?” soni ngani jakuti “Ana Uchimwene wa Mlungu Uchikwanilisya Chichi?”