panitan/stock.adobe.com
MASENGO GAKUŴILANJILA ŴANDU KU CHIKUMBUCHILO
Yesu Chachimasya Usawuchi
Yesu ali pachilambopa, ŵalosisye kuti akusiŵanonyela yisyesyene ŵandu mnopemnope ŵaŵaliji ŵakulaga soni ŵakasiche mitima. (Mateyu 9:36) Jwalakwe jwayikene pakupeleka umi wakwe ligongo lya ŵandu ŵane. (Mateyu 20:28; Yohane 15:13) Pangakaŵapa jwalakwe chalosyesoni kuti akusiŵanonyela ŵandu yisyesyene pakukamulichisya masengo udindo soni machili gakwe mpela Mwenye jwa Uchimwene wa Mlungu mwakumasya usawuchi pachilambo chosope.
Pakulondesya yachachitenda Yesu, Baibulo jikusasala ni maloŵe gakusangalasya kuti:
“Mwenye aŵe ŵakwachenjela ŵandu ŵakulaga, ŵakwakulupusya ŵandu ŵa usawuchi.”—Salimo 72:4.
Ana mpaka tulosye chamti uli kuyamichila pa yindu yatutendele soni yachachitutendela Yesu kusogoloku? Pa Luka 22:19, Yesu ŵasalile ŵakumkuya ŵakwe kuti akumbuchileje chiwa chakwe. Ni ligongo lyakwe chaka chilichose Mboni sya Yehofa sikusasongana pampepe kutenda mwambo wakukumbuchila chiwa chakwe. Tukwaŵilanjila jemanja wosope kuti chayiche ku mwambo wakukumbuchila chiwa cha Yesuwu Lyamlungu pa 24 Malichi 2024.