Kutupa Kwakungapikanila Malamusi Pachilambo Chosope—Ana Baibulo Jikusasala Yamti Uli Panganiji?

Ŵandu ŵa ku Haiti akutama mwa woga ligongo lyakutupa kwa uchigaŵenga. Nambosoni yachiwawa yayikutendekwa Ku South Africa, ku Mexico ni ku yilambo ya ku Latin America yikuyikasya yakusawusya yejinji. Atamose kuti kumadela kwele yachiwawayi yinandipe, ŵandu akutamape ni woga ligongo lyakupikana malipoti gakwiŵidwa, konanjidwa, kapena kochedwa kwa katundu.

Ana Baibulo jikusasala yamti uli ya ungapikanila malamusi kwakukutendekwa pachilambo chosope?

Yajasasile Baibulo pakwamba ya ungapikanila malamusi

Baibulo jasasile mkanipaŵe ya ungapikanila malamusi kuti jili mbali ja chimanyilo “cha kumala kwa ndaŵi ajino.” (Mateyu 24:3) Pakulondesya yakutendekwa yayichikwanilisya chimanyisyo, Yesu jwatite:

•  “Ligongo lya kutupa kwa ungapikanila malamusi, chinonyelo cha ŵandu ŵajinji chichinandipa.”—Mateyu 24:12.

Nambosoni Baibulo jasasile kuti “masiku gakumalisya” ŵandu chachiŵa “ŵangalilekasya, ŵakogoya, ŵanganonyela yindu yambone.” (2 Timoteyo 3:1-5) Ndamo syakulinonyelasi ni syasikutendekasya ungapikanila malamusi wawuwandile pachilambopa masiku agano.

Nambope yindu ngasiyiŵa myiyi mpaka kalakala. Baibulo jikusatusalila kuti ungapikanila malamusi chiwumale pamkaŵapa.

•  “Mwangakaŵilisya ŵangalumbana ngasawoneka pa chilambo, jemanja timchasosa nambo ngasimwawona. Nambo ŵakulitulusya tachipochela chilambo kuti chiŵe chawo, ni tachiŵa pa mtendele wakupundanganya.”—Salimo 37:10, 11.

Alijiganye yejinji yajikusasala Baibulo pakwamba ya utenga wachembecheyo soni ligongo lyakwe tukusosekwa kukulupilila kuti yayikutendekwa masiku agano yikukwanilisya yakulochesya ya m’Baibulo. Aganichisye ya ngani syakuyichisyasi.

“Chembecheyo Chisyesyene Chikusatukamuchisya Kola Sogolo Jambone”

“Kodi Chizindikiro cha “Masiku Otsiriza” Kapena Kuti Nthawi “ya Mapeto” N’chiyani?”

“Kodi Baibulo Linaneneratu za Mmene Anthu Adzidzaganizira ndi Kuchitira Zinthu Masiku Ano?”