Ajawule Kwakusosechela Ŵakulalichila Ŵajinji

Mundu akusasosekwa kola chikulupi kuti asame dela jakujimanyilila chenene ni kwawula kudela jine pakusaka kuti akatende yejinji pakumtumichila Yehofa. (Ahe 11:8-10) Mpaka aŵechetane ni achakulungwa ŵa mumpingo naga akwete chakulinga chakuti ajawule akalalichile kwakukusosechela ŵakulalichila ŵajinji. Ana ni yindu yapi yakusosekwa kutenda kuti akwanilisye chakulingachi soni ana mpaka asagule chamtuli dela jampaka ajawule? Aŵalanje ngani sya m’mabuku getu syasikusasala ya kulalichila kudela jajikusosechela ŵakulalichila ŵajinji. Mpaka ŵawusyesoni ŵandu ŵane ŵaŵakombwele kusamila kumpingo wine kuti akakamuchisyeje. (Mis 15:22) Apopeleje kwa Yehofa kuti ŵakamuchisye. (Yak 1:5) Awungunyesoni ya dela jakusaka kusamila, naga yili yakomboleka mpaka ajawule ku delajo kuja kujilola mkanaŵe kusamilako.

ALOLELE FIDIYO JAKUTI CHIKULUPI MPAKA CHAKAMUCHISYE KUTENDA UTUMIKI ULIWOSE WAWUPATIKENE—AJAWULE KWAKUSOSECHELA ŴAKULALICHILA ŴAJINJI. KANEKO AJANJE YIWUSYO AYI:

• Ana ni yakusawusya yapi yaŵasimene nayo Gabriel? Ana jwakombwele chamtuli kumalana ni yeleyi?