“Une Mbali! Andumisye!”

Mtima wakusacilila waŵakwete Yesaya uli wambone kuwusyasya. Jwalakwe jwalosisye cikulupi, soni mwacitema jwatesile mwakamulana ni yayasosekwaga atamose kuti nganamanyililaga yosope. (Yes. 6:8) Ana mpaka acenje yine paumi wawo ni cakulinga cakuti akatumicile kwakukusosecela ŵakulalicila Ucimwene ŵajinji? (Sal. 110:3) Kuli kwakusosekwa “kuŵalanjila mtengo” wakwe kaje mkanitusamile kumaloko. (Luk. 14:27, 28) Atamose yili m’yoyo, tuŵeje ŵakusacilila kulijima yindu yine pakusaka kamula masengo gakulalicila. (Mat. 8:20; Maliko 10:28-30) Mpela yatuyiweni mu fidiyo jakuti Kutumicila Kwakukusosecela Ŵakulalicila Ŵajinji, patukutenda undumetume wa Yehofa, tukusapata majali gamajinji kupunda yindu yatwayilesile.

PANYUMA PAKULOLELA FIDIYOJI, AJANJE YIWUSYO YAKUYICISYAYI:

• Ana ŵandu ŵam’liŵasa lya ce William ŵalesile yindu yapi kuti akatumicile m’cilambo ca Ecuador?

• Ana ŵaganicisye yindu yapi paŵasagulaga malo gakuti akatumicile?

• Ana ŵapatile majali gatuli?

• Ana mpaka tumanyilile catuli yakwamba kwakukusosecela ŵakulalicila ŵajinji?

PAKULAMBILA KWAWO KWA PEŴASA KWAKUYICISYA, ATAGULILANE YIWUSYO AYI:

• Ana mpaka tujonjecesya catuli undumetume wetu mpela liŵasa? (km-CN 8/11 4-6)

• Naga ngaŵa mkukombola kutumicila kwakukusosecela ŵakulalicila ŵajinji, ana mpaka tukamucisye mpingo wetu m’matala gapi? (w16.03 23-25)