Chilambo Chambone Chisigele Panandi

Mwesi wa Nofemba tuchisosekwa kulipeleka mnope pamasengo gakulalichila ngani syambone. Pandaŵiji tuchasalilaga ŵandu kuti chilambo chambone chisigele panandi kwika. (Sal. 37:10, 11; Chiw. 21:3-5) Atende yakomboleka kuti chakamule nawo masengoga. Naga akusaka mpaka atende upayiniya wakamuchisya kuti chapeleche mawola 30 kapena 50.

Akosechele chenene kuti chiŵaŵalanjile ŵandu ŵajinji malemba gakusala ya chilambo chasambano. Asaguleje malemba gampaka gayiche pamtima ŵandu ŵa mudela jawo. Naga paulendo wandanda mundu alosisye kuti akusaka kumanyilila yejinji, ampe Sanja ja Mlonda Na. 2 ja 2021. Kaneko atende yakuti aŵechetane ni mundujo mwachitema soni atandisye lijiganyo lya Baibulo pakamulichisya masengo kabuku kakuti Asangalaleje Mpaka Kalakala. Yili yakusangalasya kukamula nawo masengo gakulalichila “ngani syambone sya [yindu] yambone.”—Yes. 52:7.

ALOLELE NYIMBO JAKUTI CHILAMBO CHAMBONE, KANEKO AJANJE YIWUSYO AYI:

• Ana kamsikanaka kakuganichisya yindu yambone yapi?

• Ana ni yindu yapi yakuyijembecheya mnope mchilambo chasambano?

• Ana kuganichisya mnope ya yindu yakwembecheya, chikwakamuchisye chamtuli kuti chakamule mwakulipeleka masengo gakulalichila mwesi wa Nofemba?—Luk. 6:45