Masengo Gapajika Gakulalichila ya Uchimwene wa Mlungu mu Nofemba

Yesu ŵalalichilaga “ngani syambone syakwamba Uchimwene wa Mlungu.” (Luk. 4:43) Jwalakwe ŵajiganyisyesoni ŵandu kuwupopelela Uchimwenewo. (Mat. 6:9, 10) M’mwesi wa Nofemba, tuchikola masengo gakulalichila ya Uchimwene wa Mlungu. (Mat. 24:14) Atende yakomboleka kuti chakamule nawo masengo gapajikaga. Wosope ŵachachitenda upayiniya wakamuchisya m’mwesiwu mpaka asagule kupeleka maola 30 kapena 50.

Naga yili yakomboleka ŵaŵalanjileje ŵandu ŵajinji ŵa mu dela jawo lilemba lyalikusala ya Uchimwene wa Mlungu. Pakusagula lilemba, aganichisyejesoni ya dini syali ŵanduwo. Naga mundu jwine atesile chidwi pa ulendo wandanda, ampe Sanja ja Mlonda jagaŵila ja Na. 2 2020. Awujilejeko mwachitema kwa mundu juŵatesile chidwi, ni kulinga kutandisya lijiganyo lya Baibulo pakamulichisya masengo mabuku gagakusimanikwa pa Yindu Yakwiganyila. Ndaŵi jisigele jamnono jakuti Uchimwene wa Mlungu ujonanje maulamusi gosope gapachilambo chapasi. (Dan. 2:44; 1 Akoli. 15:24, 25) Myoyo, kwende tutende yiliyose yakomboleka kuti tukamulichisye masengo upile wapajikawu pakulosya kuti tuli kumbali ja Yehofa soni Uchimwene wakwe.