Chindu Chakusosekwa Mnope kwa Une

Yakobo jwalimbene ni lilayika pakusachilila kuti Yehofa amjaliwe. (Gen. 32:24-31; Hos. 12:3, 4) Nambi uli m’weji? Ana tuli ŵakusachilila kukamulichisya masengo machili getu mwakumpikanila Yehofa kuti atujaliwe? Mwachisyasyo, naga atupele ndaŵi jakonjechesya kumasengo ni jikugombana ni ndaŵi jatukusatendela misongano ja mpingo, ana tuchitenda chisagula chamtuli? Naga tukumpa Yehofa ndaŵi jetu, machili getu soni yindu yatukwete jwalakwe chachitugwichisya “upile wejinji.” (Mala. 3:10) Jwalakwe chachitulongolela, kutuchenjela soni chachitupa yindu yatukusosechela.—Mat. 6:33; Aheb. 13:5.

ALOLELE FIDIYO JAKUTI, KUPITILISYA KOLA YAKULINGA YAUSIMU, KANEKO AJANJE YIWUSYO AYI

• 

  Ana mlongoju jwalinjidwe chamtuli ni chindu chaŵachinonyelaga?

• 

  Ana masengo getu mpaka gatulinje chamtuli?

• 

  Ligongo chichi Timoteyo jwasosekwaga kupitilisya kukola yakulinga yausimu atamose kuti jwaliji Mklistu jwamkomangale mwausimu?—1 Tim. 4:16

• 

  Ana mpaka tulosye chamtuli kuti aga gali “masengo gakusosekwa mnope” kwa m’weji?