CHIPANJE CHAKUSIMANIKWA M’MALOŴE GA MLUNGU | GENESESI 32-33

Ana Akulimbichila Kuti Mlungu Ŵajaliwe?

Kuti Yehofa atujaliwe, tukusosekwa kulimbichila soni kusimichisya kuti kumtumichila jwalakwe chili chindu chakusosekwa mnope pa umi wetu. (1 Akoli. 9:26, 27) Patukumtumichila Yehofa, tukusosekwa kukola nganisyo syaŵakwete Yakobo paŵalimbanaga ni lilayika. Tukusalosya kuti tuli ŵakusachilila kuti Yehofa atujaliwe mwa . . .

kukosechela chenene misongano ja mpingo
kwinjila mu utumiki mwakutamilichika
kutenda yiliyose yampaka tukombole pakwakamuchisya abale mumpingo

Chiwulili: Jwamkongwe jwayikusamtupila yakutenda. 1. Akupopela ali agambile kwimuka kwene. 2. Akumlisya mwanache yakulya mkanajawule mu utumiki. 3. Akusangalala kwendela yalumo mu utumiki ni ŵanache ŵakwe ŵaŵili soni mjakwe jwakusasongana najo mpingo umo.

Mwangasamala kandu ya yakusawusya yatukusasimana nayo, tupopeleje kwa Yehofa ndaŵi syosope kuti atukamuchisyeje. Nambosoni kumŵenda kuti atujaliwe kupitila mkulimbichila kwetu patukumtumichila jwalakwe.

MPAKA ALIWUSYE KUTI, ‘Ana mbali syapi paumi wangu syangusosekwa kulimbichila kongolela kuti Yehofa anjaliwe?’