“Maloŵe Gelega . . . Gaŵeje Pamtima Pawo”

Acinangolo ali mpela ŵakucinga. Akusasosekwa kwasamalilaga cenene ŵanace ŵawo, ligongo lyakuti yikusaŵa yangasawusya kuti ŵanace asokonecele soni kuti asimene ni yindu yakuwulasya. (Miy. 27:23) Ana acinangolo mpaka atende yatuli pakwasamalila ŵanace ŵawo? Akusosekwa kupataga lipesa lyakunguluka ni ŵanace ŵawo lisiku lililyose kuti amanyilileje yayili mu mtima mwa ŵanacewo. (Miy. 20:5) Soni, alimbisyeje cikulupi ca ŵanacewo pakucitaŵilila ni yindu yanganiyiŵa yikolele ni moto. (1 Akoli. 3:10-15) Fidiyo jakuti “Maloŵe Gelega . . . Gaŵeje Pamtima Pawo” jikulosya kusosekwa kwakutenda kulambila kwa peŵasa ndaŵi syosope. Ajilolele yimpepe ni liŵasa lyawo ni kutagulilana yiwusyo yakuyicisyayi.

(1) Ana cici cacatendekasyaga kuti liŵasa lya ce Roman likayikosyaga yindu yausimu? (2) Ligongo cici kundanda, yaŵalingaga m’bale Roman kutenda pakulambila kwa peŵasa nganiyiŵa yakamucisya? (3) Ana litala lyapi lya m’Malemba lyakamucisya kulela cenene ŵanace? (Deut. 6:6, 7) (4) Ana cici campaka cikamucisye kuti paŵe kuŵecetana cenene mwiŵasa? (5) Ana ŵanace akusasosa kuti acinangolo ŵawo ŵatendeleje yatuli? (6) Ana M’bale ni M’longo Barrow ŵakamucisye catuli kuti yindu yitande kwenda cenene m’liŵasa lya ce Roman? (Miy. 27:17) (7) Ana mtwe wa liŵasa ukusasosekwa kutenda yatuli mkanipaŵe kuti kulambila kwa peŵasa kuŵeje kwakamucisya? (8) Ana M’bale Roman ŵatesile yatuli kuti yindu yitande kwenda cenene m’liŵasa lyawo? (9) Ligongo cici kutenda kulambila kwa peŵasa ndaŵi syosope kuli kwakusosekwa? (Aef. 6:4) (10) Ana yindu yine yapi yampaka tutende pakulambila kwa peŵasa? (11) Ana kaŵecete ka M’bale Roman kakulitimalika soni kakulimba mtima kamkamucisye catuli Marcus kulola kusosekwa kwa kutenda yindu yambone? (Yer. 17:9) (12) Ana M’bale ni M’longo Roman ŵamkamucisye catuli Rebecca kuganicisya kusosekwa kwa kulisagulila yindu cenene pangani ja kuŵa pa uganja ni Justin? (Maliko 12:30; 2 Tim. 2:22) (13) Ana M’bale ni M’longo Roman ŵalosisye catuli cikulupi paŵacengaga yindu yine paumi wawo? (Mat. 6:33) (14) Ana fidiyoji jigombelecesya mwatuli kusosekwa kwakuti mtwe wa liŵasa upeleceje yindu yausimu kwa ŵamwiŵasa mwawo? (1 Tim. 5:8) (15) Ana wawojo asimicisye kutenda cici mpela mtwe wa liŵasa?

MALOŴE KWA MITWE JA MAŴASA: Seŵelo jakulosya yakutendekwa ya moŵa agano jeleji, twalolele pamsongano waupande wa 2011. Ana pandaŵi jiŵalolelaga seŵeloji, ana ŵayiweni kuti akusosekwa kongolela mwatuli pakatende kawo ka kulambila kwa peŵasa? Nambi wuli apano, ana akusosekwa kongolela mwatuli? Naga akuyiwona kuti akusosekwa kongolelasoni mbali sine, conde ajipopelele nganiji ni kongolela mbali jajikusosecelajo ni cakulinga cakuti liŵasa lyawo lipate cikamucisyo cangamala.​—Aef. 5:15-17.