Alikamucisyeje Liŵasa Lyawo Kuti Limkumbucileje Yehofa

Yelemiya jwalamulidwe kuti ŵakalamusye Ayuda ya conasiko cicaliji mkwika ligongo jemanjajo ŵamliŵalile Mlungu jwawo Yehofa. (Yer. 13:25) Ligongo cici mtunduwu watesile yeleyi? Maŵasa ga Ciyisalayeli galiji gali galesile kutenda yindu yausimu. Mwati mitwe ja maŵasa jaliji jili jilesile kuya lilamusi lya Yehofa lyalikusimanikwa pa Deuteronomo 6:5-7.

Maŵasa gakulimba mwausimu gakusakamucisyasoni kuti mpingo uŵeje wakulimba masiku agano. Mitwe ja maŵasa mpaka jikamucisye maŵasa gawo kumkumbucilaga Yehofa pakutenda mwakutamilicika Kulambila kwa Peŵasa. (Sal. 22:27) Panyuma pakulolela fidiyo jakuti ““Maloŵe Gelega . . . Gaŵeje Pamtima Pawo”—Kuwusya Maŵasa, ajanje yiwusyo yakuyicisyayi:

• Ana maŵasa gane gakombwele catuli kumalana ni yindu yampaka yisokonasye kulambila kwawo kwa peŵasa?

• Ana pakusaŵa maumbone gapi naga akutenda Kulambila kwa Peŵasa mwakutamilicika soni m’litala lyakusangalasya?

• Pangani ja kulambila kwa peŵasa, ana ngusasimana ni yakusawusya yatuli, soni ana mpaka ndende uli kuti malane nayo?