Kuwilisya ya mu Sukulu ja Undumetume wa Mlungu

Ana tukusayiwona wuli yaŵalamwile Mlungu pa Deuteronomo 14:1 yakwamba kulekasya kulikata pandaŵi jakulila malilo? [Nov. 3, w04-CN 9/15 peji 27 ndime 5]

Ligongo cici mayimwene ŵagalamulaga kukopela Cilamusi ca Mlungu, soni kuti ‘aciŵalanjeje m’masiku gosope ga umi wawo’? (Deut. 17:18-20) [Nov. 3, w02-CN 6/15 peji 12 ndime 4]

Ligongo cici Baibulo jatite “mkataŵilila ng’ombe pampepe ni bulu ni kuyilimisyaga,” soni ana Aklistu mpaka akamulicisye masengo catuli lilamusi lyakuti akakamulanaga ni ŵandu ŵangakulupilila Mlungu? (Deut. 22:10) [Nov. 10, w03-CN 10/15 peji 32]

Ligongo cici m’ndaŵi ja Baibulo ŵandu ŵalekasyaga kujigala ‘liganga lyekulungwa lyakusyajila ni lisyago lyakwe mpela cikole’? (Deut. 24:6) [Nov. 17, w04-CN 9/15 peji 26 ndime 3]

Ana Ayisalayeli ŵasosekwaga kumpikanila Yehofa ni mtima watuli, soni ana cici cacikusosekwa kutulimbikasya kuti tutumicileje Yehofa? (Deut. 28:47) [Nov. 24, w10-CN 9/15 peji 8 ndime 4]

Ana Deuteronomo 30:19, 20 jikusasala yindu yitatu yapi yakusosekwa kuti tukole umi? [Nov. 24, w10-CN 2/15 peji 28 ndime 17]

Ana tukusosekwa kuŵalanga Baibulo josope kutandila Genesis mpaka Ciunukuko mwakwesya maloŵe basi? Alondesye. (Yoswa 1:8) [Dec. 8, w13-CN 4/15 peji 7 ndime 4]

Ana ‘jwamkulungwa jwa asilikali ŵa Yehofa’ jwamsasile pa Yoswa 5:14, 15 ali ŵani, soni ana ngani ja palilembali jikutulimbikasya catuli? [Dec. 8, w04-CN 12/1 peji 9 ndime 2]

Ana cici cicamtendekasisye Akani kutenda cakulemweceka, soni ana tukulijiganya cici pa cisyasyo cakwe cakusakalaci? (Yos. 7:20, 21) [Dec. 15, w10-CN 4/15 peji 20-21 ndime 2, 5]

Ana cisyasyo ca Kalebe cikusatulimbikasya catuli masiku agano? (Yos. 14:10-13) [Dec. 29, w04-CN 12/1 peji 12 ndime 2]