Ŵagaŵileje Ŵane “Yindu Yambone” Mwakwapocela Cenene Acalendo (Mat. 12:35a)

Mwangakayicila, wosopewe tukusasaka kwagaŵila ŵane “yindu yambone” mwakuŵa ‘ŵakupocela cenene acalendo.’ (Alo. 12:13) Pakusaka kuti acakulungwa ŵa mumpingo aŵe pasogolo pakutenda yeleyi, akusiŵalimbikasya kupeleka mbiya syakwendela, soni yakulya kwa mundu jwayice kukuŵeceta ngani kutyocela ku mpingo wine. Nambo, ndaŵi sine m’weji pajika mpaka tulepele kwajoloŵela magasa ŵane ligongo lyangakola yejinji, kapena ligongo lyakuti mpaka tuŵe ŵangagopoka kum’ŵilanjila mundu jwine kumangwetu. Kuganicisya ya maloŵe ga Yesu gaŵamsalile Malita mpaka kutukamucisye kumasya nganisyo syelesi. (Luk. 10:39-42) Yesu ŵagombelecesye kuti “cindu cakupunda mnope” pa kupocela cenene acalendo cili kunguluka, soni kulimbikasyana, ngaŵaga yakulya yapenani kapena nyumba jakusalala. Kamulicisya masengo yaŵaŵecete Yesuyi kucitukamucisya kugaŵana “yindu yambone” ni abale ŵetu mwakamulana ni Maloŵe ga Mlungu.—3 Yoh. 5-8.