Yisyesyene Yakwamba Uchimwene wa Mlungu
Yesu ŵasalile ŵakumkuya ŵakwe kuti apopeleje mwamti myi: “Atati ŵetu ŵakwinani: Lina lyawo lichimbichikwe. Uchimwene wawo uyiche; kusosa kwawo kutendechekwe, pachilambo chapasi mpela kwinani.” (Mateyu 6:9, 10) Ana Uchimwene wa Mlungu uli chichi? Ana uchitenda chichi? Soni ligongo chichi tukusosekwa kuwupopelela?
Yesu ali Mwenye jwa Uchimwene wa Mlungu.
Luka 1:31-33: “Timumpe lina lyakwe Yesu. Jwalakwejo tachiŵa jwamkulungwa ni tachikolanjidwa kuti mwanache jwa Mlungu jwa kwinani mnope. Ambuje Mlungu tachimtenda jwalakwejo kuŵa mwenye mpela muŵaŵelele nangolo jwakwe Daudi nipo tachiŵa mwenye jwa Aisalaeli mpaka kalakala; Uchimwene wakwe ngasiwumala kose.”
Pakwiganya Yesu jwasalaga mnope ya Uchimwene wa Mlungu.
Mateyu 9:35: “Yesu ŵajesilejesile m’misinda ni m’misi josope. Ŵapitaga mchijiganya m’nyumba syawo sya mapopelo, ni kulalichilaga Ngani Syambone syakwamba ya Uchimwene wa kwinani. Soni ŵaliji mkuposya yilwele yosope ya ŵandu ni kulembuka kwa myilu yawo.”
Yesu ŵapele chimanyilo ŵakulijiganya ŵakwe pakusaka kwakamuchisya kumanyilila ndaŵi jawuchiyika Uchimwene.
Mateyu 24:7: “Mitundu ja ŵandu jakulekanganalekangana tijichimenyana ngondo, soni uchimwene tiwuchijimuchilana ni uchimwene ujakwe. Tikuchiŵa kwana sala ni yisichinya kumalo gakulekanganalekangana.”
Ŵakulijiganya ŵa Yesu sambano akulalichila yakwamba Uchimwene pachilambo chosope chapasi.
Mateyu 24:14: “Nipo ngani syambonesi syakwamba ya Uchimwene wa Mlungu tisichilalichidwa pachilambo chosope chapasi, kuti ŵandu ŵamitundu josope asipikane, kaneko mbesi ni tijichiyika.”