Ana Baibulo Jikusasala Yamtuli?
Ana pacilambopa pacipagwa cilungamo cisyesyene?
Ana mpaka ajanje wuli?
Elo
Iyayi
Mwine
Yajikusasala Baibulo
“Ngumanyilila nditu kuti Yehofa cacacenjela ŵandu ŵakuwoneka mpela ŵangali mate. Jwalakwe cacatendela cilungamo ŵandu ŵakulaga. (Salimo 140:12) Cilungamo cisyesyene ciciyika ni Ucimwene wa Mlungu pacilambo cosope capasi.
Ana cine capi campaka tulijiganye m’Baibulo?
Mlungu akuyiwona yindu yosope yangali cilungamo yayikutendekwa pacilambopa, soni caciyimasya.—Mlaliki 5:8.
Cilungamo ca Mlungu cicitendekasya kuti pacilambo cosope paŵe mtendele soni citeteyo.—Yesaya 32:16-18.
Ana Mlungu akusanonyela mnope mtundu wine wa ŵandu kupunda wine?
Ŵandu ŵane akusakulupilila kuti Mlungu jwalwesile mitundu jine ja ŵandu, nambo jine ŵajijaliwe. Ŵane akusakulupilila kuti Mlungu akusajiwona mitundu josope mwakulandana. Ana wawojo akuganisya wuli?
Yajikusasala Baibulo
“Mlungu jwangali lusagu. Jwalakwe akusampocela mundu jwakutyocela mu mtundu wuliwose jwakusamjogopa soni jwakusatenda yindu yambone.” (Masengo 10:34, 35) Ŵandu wosope ali ŵakulandana pameso pa Mlungu.
Ana cine cici campaka tulijiganye m’Baibulo?
Baibulo jikwete “ngani syambone” sya “ŵandu ŵa pacilambo cosope, kwa ŵandu ŵamtundu wuliwose, ŵa lukosyo lulilose, ni ciŵeceto cilicose.”—Ciunukuko 14:6.