Ŵandu ŵacacikulupuka cacitama m’cilambo capasi ca paladaiso
Ana Baibulo Jikusasala Yatuli?
Ana tukutama “m’moŵa gambesi”?
Ana mpaka ajanje wuli?
Elo
Iyayi
Mwine
Yajikusasala Baibulo
“Moŵa gambesi gaciŵa ndaŵi japajika soni ndaŵi jakusawusya.” (2 Timoteo 3:1) Yakulocesya ya m’Baibulo, nambosoni yayikutendekwa moŵa agano yikulosya kuti tuli “m’moŵa gambesi.”
Ana cine capi campaka tulijiganye m’Baibulo?
Yindu yine yayikutendekwa m’moŵa gambesi yili ngondo, sala, yisicinya soni yilwele yakogoya.—Matayo 24:3, 7; Luka 21:11.
M’moŵa gambesi gano, ndamo sya ŵandu sisakele mnope soni ngakunonyela ya Mlungu.—2 Timoteo 3:2-5.
Ana ŵandu ajembeceyeje yatuli kusogoloku?
Ŵandu ŵane akusakulupilila kuti . . .
moŵa gambesi gacimala mwa konanga cilambo capasi cisyesyeneci soni ŵandu wosope, nambo ŵane akusakulupilila kuti yindu yiciŵa cenene. Ana wawojo akuganisya wuli?
Yajikusasala Baibulo
“Ŵakulungama cacipocela cilambo capasi. Ni cacitamaga mwelemo kwandaŵi syosope.”—Salimo 37:29.
Ana cine capi campaka tulijiganye m’Baibulo?
Moŵa gambesi gacimala mwa kutyosya yindu yosope yakusakala.—1 Yohane 2:17.
Cilambo cosope ciciŵa paladaiso.—Yesaya 35:1, 6.