Ana Baibulo Jikusasala Yamtuli?

Ana pacilambopa pacipagwa mtendele?

Ana mpaka ajanje wuli?

• Elo

• Iyayi

• Komboleka

Yajikusasala Baibulo

Yesu Klistu pacacilamulilaga cilambo capasi, “paciŵa mtendele wejinji mpaka lwesi ngasilupagwasoni”—Yayikugopolela kuti mpaka kalakala.—Salimo 72:7.

Ana cine capi campaka tulijiganye m’Baibulo?

• Ŵandu ŵakutenda yakusakala cacatyosya pacilambo capasi, nambo ŵandu ŵakutenda yambone “cacisangalala ni mtendele wejinji.”—Salimo 37:10, 11.

• Mlungu cacimasya ngondo syosope.—Salimo 46:8, 9.

Ana apano mpaka yikombolece kupata mtendele wamumtima?

Ŵane akusakulupilila . . . kuti nganiyiŵa yikombolece kupata mtendele wamumtima ligongo cilamboci cigumbele ni yipwetesi soni yindu yangali cilungamo. Ana wawojo akuganisya yamtuli panganiji?

Yajikusasala Baibulo

Atamose apano ŵandu ŵakusam’ŵandicila Mlungu mpaka akole “mtendele wa Mlungu wawukusapunda kuganisya mwakusokoka kulikose.”—Afilipi 4:6, 7.

Ana cine capi campaka tulijiganye m’Baibulo?

• Mlungu jwasasile kuti cacityosya yipwetesi soni yindu yosope yangali cilungamo. Jwalakwe ‘cacipanganya yindu yosope kuŵa yasambano.’—Ciunukuko 21:4, 5.

• Mpaka tupate mtendele wamumtima naga tukusamanyilila “yakusosecela yetu yausimu.”—Matayo 5:3.