Ana Baibulo Jikusasala Yatuli?

Ana Mlungu ni jwakusatandisya yipwetesi?

Ana mpaka ajanje uli?

• Elo

• Iyayi

• Komboleka

Yajikusasala Baibulo

“Yili yangakomboleka kwa Mlungu kutenda yakusakala, soni Jwamaciligose ngaŵa mkutenda yakulemweceka.” (Yobu 34:10) Mlungu jwangatandisya yakusakala kapena yipwetesi yatukusayiwona pacilambopa.

Ana cine capi campaka tulijiganye m’Baibulo?

• Satana, “jwakulamulila jwa cilambo,” ni jwakusatandisya yipwetesi.—Yohane 14:30.

• Ndaŵi syejinji yipwetesi ni yakusakala yine yikusayika ligongo lya yakusagula yetu.—Yakobo 1:14, 15.

Ana yipwetesi yicimala?

Ŵane akusakulupilila kuti ŵandu mpaka akombole kumasya yipwetesi ali atesile mkamulano. Nambo ŵane akusati muyiŵelele yindu apano, ngaŵa mkucengasoni. Ana wawojo akuganisya yatuli panganiji?

Yajikusasala Baibulo

Mlungu cacityosya yipwetesi. “Ciwa ngasicipagwasoni. Ngasipapagwasoni kulila, kuwuwula kapena kupikana kupweteka.”—Ciunukuko 21:3, 4.

Ana cine capi campaka tulijiganye m’Baibulo?

• Mlungu cacikamulicisya masengo Yesu kuti atyosye yipwetesi yakuyikasya Satana.—1 Yohane 3:8.

• Ŵandu ŵambone cacitama mwamtendele pacilambopa mpaka kalakala.—Salimo 37:9-11, 29.