„ქიგეგენთ ჩხუპეფიშ ხონარს“

„სოდგარენ 60 წანა რე ჟურნალისტ ვორექ დო თე დროშ დინახალე მთელ მსოფლიოს 40-შე უმოს ომიშ გურშენ მაჸუ ოკეთებელ რეპორტაჟეფქ. თინა ხოლო ფშჷ, მუჭო იუფრაშებუდ ურთიერთობა შეერთებულ შტატეფ დო საბჭოთა კავშირ შქას დო უკულ უცფას მუჭო გიშენწყუ სიტუაციაქ. მარა 2025 წანაცალ დაძაბულ წანა დიო ვა ფშჷ. თეშ ართ მიზეზ თინა რე, ნამდა თე წანას მუსხირენ სერიოზულ ომ მეურს დო მაჟია მიზეზ თინა, ნამდა თე ომეფშე ართ-ართიქ შილებე მსოფლიოშ დიდ ნაწილშა მანგარ გლახათ იმოქმედას“ – ჯონ სიმპსონ (BBC world affairs editor).

ხალხის მანგარო აწუხენს მსოფლიოს ხვადუნ თი ომეფ. ბრელს ოინტერეს, დღას გეგშენწყუაფ დო ვარ მდგომარეობა. მუს ოგურუანდჷ იესო თეშ გურშენ?

მუს ოგურუანდჷ იესო

იესოქ იწინასწარმეტყველ თი მოვლენეფ, ნამდგას ამდღა ვორწყეთ. თიქ გაფრთხილ მუშ მიმაჸუნალეფ: „ქიგეგენთ ჩხუპეფიშ ხონარს დო ქიმირჩქილუანთ ამბეეფს ჩხუპეფიშ გურშენ“ (მათე 24:6).

მართალ რე, ამდღა ხვადუნ თი ომეფიშ დო კონფლიქტეფიშ ძირაფა გურს მიწუხენა, მარა იშენით მიღუნა იმენდიშ მიზეზ. მუშენ იფჩიებუთ თეს? თიშენ, ნამდა იესოშ სიტყვეფიშ თანახმას, ფართომასშტაბიან ომეფ, შხვა მოვლენეფწკუმა ართო, იჸუაფუდ თიშ „ნიშან“, ნამდა „თე ქიანაშ ბოლოქ ქუდოდირთ“ (მათე 24:3; ლუკა 21:7). თენა თის ნიშნენს, ნამდა ქუმურს დრო, მუჟამსით იესო ბოლოს მუღენს ომეფს. მუჭო გაკეთენს თეს?

მუს გაკეთენს იესო

გვალო მალას, იესო, ნამუთ ღორონთიშ სამეფოშ მეფე რე, მოსპუნს „ომეფს მთელ დედამიწას“ (ფსალმუნეფ 46:9).

თიშ გაგებელო, მუნერ მომავალ მელუნა, მუჭო დოდირთუ მშვიდობა დედამიწას დო მუს შილებე ნიშნენდას თენა თქვანო, წეკითხით სტატია „მი მოუღენს ბოლოს ომეფს?“.