მთელ მსოფლიოს მშვიდობა იჸუაფ

არძას ოკო, მშვიდობიან მსოფლიოს იცხოვრას. ანთასობით წანაშ დინახალე, ბრელ მსოფლიო ლიდერ ოცადუდ კონფლიქტეფიშ მოგვარებას, ნამდა მშვიდობაქ ქიჸუკო. ნამთინეშა თინეფიშ მონდომას ჭიჭე ხანით მოჸუნს ჯგირ შედეგეფ, მარა, სანარღოთ, კონფლიქტ კინ ირჩქინანს დუდის. დღას ქიჸუაფუნო მსოფლიოს ნამდვილ მშვიდობა? ქო! თიშ გაგებელო, მუჭო შილებე თეშ მენჭირნაფა, მორთ ქიგებგათ, მუს გაკეთენს იესო მომავალს დო მუს ოგურუანდჷ თინა.

მუს გაკეთენს იესო

ბიბლია ენწყუნს, მუს გაკეთენს იესო მალას, ნამდა მსოფლიოს მშვიდობა ქუმუღას.

• „[იესოს] ქიგიადვალუ . . . მშვიდობაშ მთავარ. თიშ მმართველობა გევრცელებ დო მშვიდობას ბოლო ვაღვენუ“ (ესაია 9:6, 7). იესო, ნამუთ ღორონთიშ სამეფოშ მეფე რე, მსოფლიოს სადღამუშო მშვიდობას ქუმუღანს.

• „თინა დერსხენს უღონოს, ნამუთ მოხვარას ითხინს . . . დო თის, მიდგას მოხვარე მითინ ვა ჸუნსჷ“ (ფსალმუნეფ 72:12–14). იესო მუშ ძალას თიშო გეგმირინუანს, ნამდა დამყარას ნამდვილ სამართლიანობა, მუდგაშ შედეგო ომეფ, ძალადობა დო ტანჯება მისპუ.

• „ართ რჯულიშ ხალხ მაჟია რჯულიშ წინააღმდეგ ვეჭოფუნს ყამას დო ვედიგურუანა ჩხუპის“ (ესაია 2:4). იესოშ მმართველობაშ დროს ხალხ ჩხუპიშ მანგიორო მშვიდობიანო ცხოვრებას დიგურუანს.

თიშ გაგებელო, მუჭო მომღანა იესო მშვიდობას დო მუჭო შეილებუნა თეცალ მსოფლიოს ცხოვრება, ქუჯინით ვიდეოს „მუ რე ღორონთიშ სამეფო?“.

მუს ოგურუანდჷ იესო

იესოშ გურაფეფ ამდღა ხოლო ოხვარ მილიონობით ადამიანს, მშვიდობიანო იცხოვრან. გვალას ქადაგებაშ დროს იესოქ ხალხის დაგურუ პრინციპეფ, ნამუთ შხვეფწკუმა მშვიდობიან ურთიერთობაშო რე საჭირო. გუვარჩუათ მუსხირენ მაგალით.

• „ბედნერეფ რენა თინეფ, მით მშვიდობას უნწყუნა ხეს“ (მათე 5:9). იესო მუშ მიმაჸუნალეფს ხვალე კონფლიქტურ სიტუაციეფშა დუდიშ ეჩილითაფას ვარინ, მშვიდობაშა ხეშ შენწყუალას ხოლო ოგურუანდჷ.

• „დიო სქან ჯიმას გერიგ, უკულ დირთჷ დო შეწირ ძღვინ“ (მათე 5:23, 24). იესო ელუჩანდჷ მუშ მიმაჸუნალეფს, ნამდა ხეთეშე მაგვარესკო უთანხმოებეფ. თინა ოგურუანდჷ, ნამდა შხვეფწკუმა მშვიდობიან ურთიერთობა ვა მაღვენუნან-და, ვართ ღორონთწკუმა მაღვენუნა ჯგირ ურთიერთობა.

• „მიოტეთ შხვეფიშ გასამართლება, ნამდა თქვა ხოლო ვეგესამართლათ“ (მათე 7:1). იესოქ გუმაფრთხილეს, ნამდა მკაცრას ვაგვასამართლათ შხვეფ ვარდა თიცალ მუდგარენეფიშ კეთება ვა მოფთხუათ, მუდგას ჩქი ვა ვაკეთენდით. თეცალ დამოკიდებულებას კონფლიქტ მოჸუნს. იესოქ მუშ მიმაჸუნალეფს ელუჩ, ნამდა ართიანიშ კილიშ გორუაშ მანგიორო, ქაპატუესკო შხვეფს შეცდომეფ (ლუკა 6:37).

ამდღა მთელ მსოფლიოს ბრელ მეჸუნს იესოშ რჩევეფს. თე კათაშე ნამთინე თიცალ ადგილს ცხოვრენს, სოდეთ ძალადობა რე დო ხალხ ხოლო გორთილ რე. მარა თინეფქ იშენით ქიდიგურუეს, მუჭო მაგვარან კონფლიქტ გურიშმოულაშ უმშო, მუჭო აპატუან შხვეფს დო მუჭო მექცუან ჸოროფათ ართიანს თიშ უმკუჯინუო, ნამდა შხვეფ ვართუნა თეს.

თიშ გაგებელო, მუჭო მეხვარ ნამთინეს იესოშ გურაფეფქ სიმშვიდეშ გორუას, წეკითხით სტატია „მუჭო შეილებუნა ამდღარშე ქიგინათ შინაგან სიმშვიდე?“ [ქორთ.].