ძალადობა ვა რე გამოსავალ

ამდღა ბრელ ადამიან ფიქრენს, ნამდა კონფლიქტეფიშ პრობლემეფიშ მოგვარებაშ არძაშ უჯგუშ შარა ძალადობა რე. მარა თეცალ აზროვნება შუროთ ვემურე თის, მუდგას იესო ოგურუანდჷ დო ორთუდ. მორთ, ქიგიფშინათ თიშ სიტყვეფ დო კეთებულ საქმეეფ.

მუ თქუ იესოქ

გვალას ქადაგებაშ დროს იესო ოგურუანდჷ, ნამდა გურიშმოულა, აგრესია დო ძალადობა უთანხმოებეფიშ მოგვარებაშ არძაშ უჯგუშ შარა ვა რე. ქუვარჩუათ მუსხირენ მაგალით.

• „ირ საქმეს თეშ მექცით შხვეფს, მუჭოთ აშო გოკონა, მიგექცუან“ (მათე 7:12; ლუკა 6:31). თე სიტყვეფ, ნამდგას „ოქროშ წესის“a ხოლო უძახუნა, ელამჩანა, შხვეფს თეშ მივექცუათ, მუჭოთ აშო მოკონა მიმექცუან. მის მოკონა ჩქინ წინააღმდეგ ძალა გიმირინუან?! თაშ ნამდა, იშო ხოლო ჯგირო დო პატიცემათ ოკო ვემუდირთათო შხვეფს, თინეფ შქას, უთანხმოება მიღუნან თი კათას ხოლო?!

• „მითინქ მარძგვან ღვანწკის ხე ქუმგოგ-და, კვარჩხან ხოლო ქიმუჭოფე“ (მათე 5:38, 39; ლუკა 6:29). იესო თის ვეჩიებუდ, შხვეფშა მითხუდესკო გლახათ ქიმმექცუან. თეშ გინაწონს, მარჩქილეეფს არასწორ აზროვნებას უსწორენდჷ, მუშენდა თინეფ ფიქრენდეს, მანგიორიშ გინოგაფას გლახა მუთუნ ვა რენია. საეგებიოთ, თე არასწორ აზრის ხალხის ნამთინე რელიგიურ წინამძღოლ უგურუანდჷ. იესო მუშ მიმაჸუნალეფს ურაგადუდ, ნამდა, შხვეფ თინეფიშ ეჸოთამას ეცადებუდესინ თიმწკუმა, მანგიორიშ გინოგაფაშ გინაწონს, რბილაშე მეუდირთესკო.b

• „გიჸორდან თქვან ნტერეფ“ (მათე 5:43, 44; ლუკა 6:27). იესო ოგურუანდჷ, ნამდა ჯგირო ოკო მივექცუათ თინეფს, მიდგას ბჯოგუთ დო უსამართლოთ მოქცუნა, მარა თეთ თის ვეჩიებუდ, თინეფიშ არასწორ საქციელ ოკო გამართლათიან.c მუჟამსით ჩქი ბჯოგუთინ თინეფს ჯგირო ვოქცუთ, შილებე თე კათაქ დემშვიდან დო ხვალე თენა ვარინ, აშო ხოლო ჯგირო მიმექცუან.

მუ აკეთ დო მუს გაკეთენს იესო

იესო ოგურუანდჷ, ნამდა ძალადობა ვა რე გამოსავალ დო მუ ხოლო თე სიტყვეფიშ თანახმას ცხოვრენდჷ. თინა ჭოფესინ თიმ სერს, ართ-ართ მოწაფექ თიშ დაცვებელო ძალა გეგმირინუ, მარა იესოქ უწუ: „დართინე ყამა მუშ ადგილშა, მუშენდა ყამაშ ემაჭოფალ ყამათ დოღურუ!“ (მათე 26:52). იესოქ მუშ ნტერეფიშ ჸოროფა გიმირჩქინ თით, ნამდა ქაპატუ არასწორ საქციელ დო ხვალე თენა ვარინ, თინეფიშ გურშენ ქილოც! (ლუკა 23:33, 34; 1 პეტრე 2:23).

ბიბლია მოპირუნა, ნამდა იესო, „მშვიდობაშ მთავარ“, მალას ბოლოს მუღენს ძალადობას (ესაია 9:6, 7). თე სარკო მომავალიშ გურშენ მეტიშ გაგებელო, წეკითხით სტატია „მი მუღენს ბოლოს ომეფს“