ჩხუპ ახლო აღმოსავლეთის – მუს იჩიებ ბიბლია?

მთელ მსოფლიო შეწუხებულ რე თი კონფლიქტურ სიტუაციათ, ნამუთ შეერთებულ შტატეფ, ისრაელ დო ირან შქას რე. გეუფრაშებუნო თე სიტუაცია დო შხვა ქიანეფს ხოლო გინადვალუნო თინა? დღას ქეშიალებენანო მთავრობეფს, გეიჩილითუან შეიარაღებულ კონფლიქტეფ დო მსოფლიო მშვიდობას ქიმიოჭირინუან?

ნამთინეს, მიდგას გაგებულ აფჷ ბიბლიურ წინასწარმეტყველებეფიშ გურშენ, შილებე ფიქრენს, ნამდა თი კონფლიქტ, ნამუთ ახლო აღმოსავლეთის რე, შილებე ბიბლიაშ წიგნ „გიმოცხადებას“ ნაწინასწარმეტყველებ არმაგედონიშ ომიშ დაჭყაფ რდასჷ.

მუს იჩიებ ბიბლია?

შეიალებენანო მთავრობეფს, გაჩერან ჩხუპ, ნამუთ ახლო აღმოსავლეთის რე?

ბიბლია იჩიებ: „იმენდ ვეგიორსხუათ მმართველეფშა, ვართ შხვა ადამიანეფშა, მიდგას ვეშულებუნა რსხება“ (ფსალმუნეფ 146:3).

დრო ქუმოძირანა, ქეშიალებენან დო ვარ მთავრობეფს, ქიკნანწყნარან სიტუაცია ახლო აღმოსავლეთის. მუჭოდგა ვა რდასინ, ბიბლიაშე ბგებულენთ, ნამდა ნამთინ მთავრობას, პოლიტიკურ ლიდერს დოვარ ადამიანეფიშ ჯგუფის ვეშულებ, ბოლო მუღას ჩხუპეფს დედამიწას დო ნამდვილ მშვიდობას ქიმიოჭირინუას. ხვალე ღორონთის უღჷ ძალა, მოსპას ომეფ მთელ დედამიწას (ფსალმუნეფ 46:9).

• უმოსიშ გაგებელო წეკითხით ჟურნალ „გინაჯინალ კოშკი“, სათაურით „მი მოსპუნს ომეფს?“ [ქორთ.]

ახლო აღმოსავლეთის რენ თი ჩხუპით ისრულებუნო წინასწარმეტყველება?

ბიბლია იჩიებ: „ქიგეგენთ ჩხუპეფიშ ხონარს დო ქიმირჩქილუანთ ამბეეფს ჩხუპეფიშ გურშენ... ართ ხალხ მაჟიას გეგნენტერებ დო ართ სამეფო მაჟია სამეფოს“ (მათე 24:6, 7).

შხვა ომეფცალო, ამდღარ კონფლიქტ ახლო აღმოსავლეთის ართ-ართ რე თი ნიშანეფ შქას, ნამუთ თე ქიანაშ მოსპუალაშ მონჭაფას ოძირანს დო ხოლო უმოსო მარწმუნენა, ნამდა „ბოლო დღალეფს“ ფცხოვრენთ (მათე 24:3; 2 ტიმოთე 3:1). თი ომეფ, ნამუთ ჩქინ დროს რე, ოძირანს, ნამდა ღორონთ მალას მოსპუნს ომეფს დო არძა თი პრობლემას, ნამუთ ადამიანეფს ცხოვრებას უნწარენს.

• უმოსიშ გაგებელო წეკითხით სტატია „მუ რე ბოლო დღალეფიშ ნიშან?“ [ქორთ.]

ახლო აღმოსავლეთის დიჭყაფუნო არმაგედონ?

ბიბლია იჩიებ: „აკოშაყარეს თინეფ ადგილს, ნამდგას ებრაულო „არმაგედონ“ ჯოხო“ (გიმოცხადება 16:16).

არმაგედონიშ ომ ვართ ახლო აღმოსავლეთის დიჭყაფუ დო ვართ მთავრობეფ გიშულა ართიანიშ წინააღმდეგ. თე ომიშ ართ მხარეს დედამიწაშ არძა მთავრობა იჸუაფ დო მაჟია მხარეს ღორონთ.

• უმოსიშ გაგებელო წეკითხით სტატია „მუ რე არმაგედონ?“

მუ მიმეხვარებუნა, თეცალ რთულ დროს ხოლო მშვიდას ვორდათ?

ბიბლია იჩიებ: „მუთუნშე ვეწუხათ, თეშ მანგიორო, ირიათო ილოცით, ეხვეწით ღორონთის დო მარდულობათ გეგნოჩით თქვან ოთხუალ“ (ფილიპელეფ 4:6).

იეჰოვაa ღორონთ ელამჩანა, ლოცვათ ქუდურაგადუათ თის, მუშენდა ღორონთ ფიქრენს ჩქინო. თინა აუცილებერო ქიმირჩქილუანს ჩქინ ლოცვეფს დო ქიმმეხვარებუნა, მშვიდას ვორდათ თეცალ დაძაბულ დროს (1 პეტრე 5:7). თინა ბიბლიაშ საშვალებათ მოგებაფუანა, მუშენ ხვადუ ომეფ დო მი მოსპუნს თე ომეფს. ღორონთ სადღამუშოთ მოსპუნს ჩქინ ჭუას დო ჩამთხინუანა ოწუხებელს. თე ირფელიშ რჩქინა ქიმმეხვარებუნა, მშვიდას ვორდათ (გიმოცხადება 21:3, 4).

• უმოსიშ გაგებელო, მუ საშვალებეფიშ მოხვარუნა ღორონთ, წეკითხით სტატია „ქორენო შეიოლებერ ბიბლიას გურიშემაქექაფალ აზრეფიშ ძირაფა?“ [ქორთ.]