მუჭო შემლებუნა ბედნერეფ ვორდათ გაურკვევლობათ ეფშა დროს? – მუს იჩიებ ბიბლია?

თეცალ გაურკვევლობათ ეფშა დროს შილებე ვაგმაკონტროლებუან თი ირფელქ, მუთ ჩქინ დუდის ხვადუ. თეშ უმკუჯინუო, ჩქინ ბედნერობა განწყობაშა უმოსო რე დამოკიდებულ ვინემ მდგომარეობაშა. მუჭოთ ბიბლია იჩიებ, ბედნერ კოჩის, პრობლემეფიშ უმკუჯინუო იშენით „ირიათო ხიოლ უღჷ“ (იგავები 15:15). მუშ კეთება შემლებუნა, უმოს ბედნერეფ ვორდათინ? დეკვირით, მუჭო შეულებ ბიბლიას თქვან მოხვარა.

ოწუხებელიშ გარზება

ბიბლია იჩიებ: „წუხება კოჩის გურს უმონკენს, გემუან სიტყვა გურს ხიოლით ეუფშანს“ (იგავები 12:25).

• ბიბლიას შეულებ მიგეხვარან ქუგურზათ ოწუხებელს. მეტ ინფორმაციაშ მიოღებელო წეკითხით სტატია „მუს იჩიებ ბიბლია ოწუხებელშენ?“ [ქორთ.].

ხვალახეობაშა გარზება

ბიბლია იჩიებ: „ნამდვილ მეგობარს ირიათო უჸორდენ იჸი; თინა გაჭირებაშო დაბადებულ ჯიმა რე“ (იგავები 17:17).

• ბიბლიას მოჩამილ რჩევეფს შეულებ მიგეხვარას გიორჯგინე ხვალახეობაშ გრძნობას თით, ნამდა გავითარე მეგობრულ ურთიერთობეფ. წეკითხით სტატია „მეგობრობაშ გავითარებათ გიორჯგინით ხვალახეობას – მუჭო შეულებ ბიბლიას მიგეხვარან?“.

ღორონთიშ დო შხვეფიშ ჸოროფაშ გავითარება

ბიბლია იჩიებ: „გიჸორდას იეჰოვა, სქან ღორონთ, მთელ გურით, მთელ შურით დო მთელ გონებათ . . . სქან დუდცალო გიჸორდას სქანიან“a (მათე 22:37–39).

• ლოცვა მოხვარუნა უმოსო ქიპჸოროფუათ ღორონთ. მეტ ინფორმაციაშ მიოღებელო წეკითხით სტატია “ქურჩქილენო ღორონთ ჩქინ ლოცვეფს?“ [ქორთ.].

• შხვეფიშ ჸოროფას თით გიმიფრჩქინანთ, ნამდა მეპჸუნთ „ოქროშ წესის“. მეტ ინფორმაცია ქოძირით სტატიას «მუ რე „ოქროშ წეს?“» [ქორთ.].

ხომ ვაისხუნუდეს უმოსიშ გაგება თიშ გურშენ, მუჭო შეულებ ბიბლიას თქვან მოხვარა, ნამდა რდათჷ ბედნერეფ თე რთულ დროს? თეშ სურვილ ქოიღუნან-და, ელაიჩანთ ქიდიჭყათ ბიბლიაშ გურაფა უფასოთ.