მეგობრობაშ გავითარებათ გიორჯგინით ხვალახეობას — მუჭო შეულებ ბიბლიას მიგეხვარან?

ჯანდაცვაშ სპეციალისტეფქ 2023 წანას თი დასკვნაშა ქიმერთეს, ნამდა ხვალახეობაშ გრძნობა მსოფლიო პრობლემა რე, ნამდგაშათ სერიოზულო რე მიკაჯინალ. საინტერესო რე, ქიმიხვარებენო თე პრობლემაშა?

•  ვევეკ მურთი, ნამუთ შეერთებულ შტატეფს მთავარ ქირურგ რე, იჩიებ: „ხვალახეობა დო ურთიერთობაშ სინაკლებე მანგარო ოცილ ჯანმრთელობას დო ირფელიშ ხიოლს უდინუანს კოჩის. მარა თენა ვემიხვარებენ ფერ პრობლემა ვა რე. თეცალ მდგომარეობაშე გიშაულარო შემლებუნა ირდღას ჭიჭე-ჭიჭე ნაბიჯეფ გეგნობდგათ, ნამდა უმოს ურთიერთობა მიღუდან შხვეფწკუმა“.a

ადამიან ხვალახეთ დუდის ხვალე თიმწკუმა ვა გინაფლენს, მუჟამსით ფიზიკურო რე ხვალე. ნამთინე შილებე ბრელ ხალხ შქას რდასჷ, მარა იშენით ხვალახეთ გინაფლენდას დუდის. ხვალახეობაშ გრძნობა მუდგა მიზეზით ვაიღუდანინ, ბიბლიას შეულებ თქვან მოხვარა. თექ მოჩამილ რე პრაქტიკულ რჩევეფ, ნამუთ მიგეხვარებუნა, შხვეფწკუმა უჯგუშ ურთიერთობა გიღუდან დო თეშნერო, გიორჯგინათ ხვალახეობას.

ნამ ბიბლიურ პრინციპეფ მიგეხვარებუნა?

გავითარით ჯგირ კომუნიკაციაშ უნარ. თეშა ხვალე თქვან გრძნობეფიშ შხვეფშა გაზიარება ვარინ, თინეფიშ მორჩქილაფა ხოლო მიშურს. მუთ უმოსო დეინტერესებუთ შხვეფით, თით უჯგუშ ურთიერთობა გაღვენუნა თინეფწკუმა.

•  ბიბლიურ პრინციპ: „ხვალე თქვან ჯგირობუაშე ვარინ, შხვეფიშ ჯგირობუაშე ხოლო იფიქრით“ (ფილიპელები 2:4).

რჸუნდან შხვადოშხვანერ მეგობრეფ. ქეცადით, რჸუნდან ქოთ უნჩაშ დო ქოთ ახალგაზრდა მეგობრეფ ვარდა თიცალეფ, მით შხვადოშხვა კულტურაშ დო წარმომავლობაშ რენა.

•  ბიბლიურ პრინციპ: „ფართას განჯით გურიშ კარ!“ (2 კორინთელები 6:13).

მუჭო შეილებუნა შხვეფწკუმა ხოლოშიან ურთიერთობაშ გავითარება? თეშ გურშენ მეტ ინფორმაციაშ მიოღებელო, წეკითხით სტატია „მეგობრების შეძენის ძლიერი სურვილის დაკმაყოფილება” [ქორთ.].