ქოარსებენსო სტაბილურ მთავრობა, ნამდგას მსოფლიოშ მართუა შეულებ? – მუს იჩიებ ბიბლია?

მთელ მსოფლიოშ მასშტაბით, მთავრობეფს ერია-მორია რე. თიცალ ქიანეფს ხოლო, ნამდგაშ მთავრობა ართ მეჯინათ სტაბილურო იძირე ხშირას მთავრობაშ სტაბილურობას ოცილ სკანდალურ ინფორმაცია პოლიტიკოსეფიშ გურშენ, არჩევნეფ, სოდეთ პარტიეფ დახე ართზმა ხუმეფს ეჭოფუნა, პოლიტიკურ დაპირისპირებეფ დო სამოქალაქო არეულობეფ.

ბიბლია მიარგამენა, ნამდა სტაბილურ ხვალე ართ მთავრობა არსებენს. შილებე თე მთავრობაშ გურშენ გუნაგონ გაფუნა. თენა თი მთავრობა რე, ნამუთ იესო ქრისტექ ლოცვაშ ნიმუშის მიშინუ.

«ათეშენ თაშ ილოცით: „ჩქინ ზეციერ მუმა, წმინდა რდასჷ სქან სახელ, ქუმორთას სქან სამეფოქ დო შისრულას სქან ნებაქ, მუჭოთ ცას რენ თეშ დედამიწას“» (მათე 6:9, 10).

მუს იჩიებ ბიბლია თე სამეფოშ გურშენ?

ღორონთიშ სამეფო – სტაბილურ მთავრობა

ღორონთიშ სამეფო ზეცაშე მმართველენს.

იესოქ თე მთავრობა მიშინუ, მუჭოთ „ზეციერ სამეფო“ (მათე 4:17; 5:3, 10, 19, 20). ზუსტას ათეშენ თქუ თიქ: „ჩქიმ სამეფო თე ქიანაშ ნაწილ ვა რე“ (იოანე 18:36).

ღორონთიშ სამეფო დოთირანს ადამიანურ მთავრობეფს.

ბიბლიას ჭარჷ: „თე სამეფო … აკარღვანს დო ბოლოს მუღენს არძა თე [ადამიანურ] სამეფოს, დო მუ მარადიულო იჸუაფ“ (დანიელი 2:44).

ღორონთიშ სამეფო, ნამდგაშ მეფე იესო ქრისტე რე, სადღამუშოთ იჸუაფ.

ბიბლიას ჭარჷ: „თიშ მმართველობა მარადიულ მმართველობა რე, ნამუთ დღას ვემეჭყორდუ, დო თიშ სამეფო ვეკოცენს“ (დანიელი 7:13, 14).

ღორონთიშ სამეფოშ მმართველობაშ დროს მთელ დედამიწას ხალხ თხილერ იჸუაფ დო ირდიხას მშვიდობა იჸი.

ბიბლიას ჭარჷ: „თითოულ მუშ ბინეხიშ დო ლუღიშ თუდო გითოხედას იჸი დო მითინ ვა დაშქურინუანს თინეფს“ (მიქა 4:4).

ქიგეგით უმოს ღორონთიშ სამეფოშ გურშენ

მუჟამსით იესო დედამიწას რდჷ, უმენტაშო თინა „ქადაგენდჷ სახიოლო ამბეს სამეფოშ გურშენ“ (მათე 9:35). თეს გეძინელ თიქ იწინასწარმეტყველ:

„იქადაგენა სახიოლო ამბეს სამეფოშ გურშენ მთელ მსოფლიოს, ნამდა არძაქ ქიმირჩქილუას დო თიმწკუმა ქუდოდირთუ თე ქიანაშ ბოლო“ (მათე 24:14).

ამდღა სახიოლო ამბეს 240-შე უმოს ქიანას ქადაგენა. ელაიჩანთ, უმოს ქიგეგათ თე მთავრობაშ გურშენ დო თიშ გურშენ ხოლო, პირადო თქვა მუ ჯგირობუას მოიღანა თიშ მმართველობა.

ქორთხინთ ქუჯინათ ვიდეოს მუ რე ღორონთიშ სამეფო?