50 წანაშ დინახალე ტყარ ცხოველეფიშ რაოდენობაქ 73%-ით დერკჷ – მუს იჩიებ ბიბლია?

2024 წანაშ 9 ოქტომბერს „ტყარ ცხოველეფიშ მსოფლიო ფონდიქ“ გიშაშქვჷ ანგარიშ, სოდეთ ჩიება მეურს, მუ გლახა შედეგეფ მოუღ ადამიანიშ საქმიანობას ტყარ ცხოველეფშა. მუჭოთ თე ანგარიშშე ბგებულენთ, ბოლო 50 წანაშ დინახალე (1970–2020) ტყარ ცხოველეფიშ რაოდენობაქ 73%-ით დერკჷ. ანგარიშის ჭარჷ: „თამამას შემლებუნა ფთქუათ, ნამდა ანწიან 5 წანას მუთ მოხვადუნ, თიშა რე დამოკიდებულ, მუ ელჷ დედამიწას სიცოცხლეშ არსებობას“.

თეცალ ანგარიშეფიშ უკულ ხალხის შიშ აფჷ ენოჭკირილ დო თენა ვართ რე გასაკვირ. ჩქი მიჸორა ჩქინ სქვამ პლანეტა დო გურს მანგარო მიჭუანა თიშ ძირაფა, მუჭო ეშაჭყორდუნა ტყარ ცხოველეფ. თეცალ გრძნობეფ თიშენ მიღუნა, ნამდა ღორონთიქ ჩქი დუმავალეს ცხოველეფიშ მიკოჯინა (დაბადება 1:27, 28; იგავები 12:10).

შილებე გოინტერესუნა: შემალებენანო დოფთხილუათ ტყარ ცხოველეფ? მუს იჩიებ ბიბლია?

მომავალიშ იმენდ

მუჭოდგა ვევეცადათინ, ტყარ ცხოველეფიშ მომავალ ჩქინდა ვარინ, ღორონთშა რე დამოკიდებულ. ბიბლიას, გამოცხადებაშ 11:18-ს ნაწინასწარმეტყველებ რე, ნამდა ღორონთ მოსპუნს დედამიწაშ მუმასპალეფს. თე მუხლშე ჟირ მუდგარენს ბგებულენთ:

1. 1) ღორონთ ვა დუშვენს, ნამდა ადამიანეფქ საბოლათ მოსპან დედამიწა.

2. 2) ღორონთ მალას დიჭყანს მოქმედებას. სოვრეშე მიჩქუნა თენა? კაცობრიობაშ ისტორიას ტყარ ცხოველეფიშ მოსპუალაშ თეშმადიდა საფრთხე დიო ვა ჸოფე.

მუს გაკეთენს ღორონთ? თინა თე პრობლემას მუშ ზეციურ სამეფოშ საშვალებათ გეგნოჭკირუნს, ნამუთ მთელ დედამიწას იმმართველენს (მათე 6:10). თე სამეფო მორჩილ ადამიანეფს, მუთ საჭირო რენ ირფელს ქუდაგურუანს, ნამდა ქიმკაჯინან დო დოთხილუან ტყარ ცხოველეფ (ესაია 11:9).