ხვალახეობაშ პრობლემა უმოსო იძინანს — მუს იჩიებ ბიბლია?

ბოლო დროს ჩატარებულ გამოკითხვაშე, ნამდგაქ მსოფლიოშ შხვადოშხვა ქიანას ჩეტარ,a იძირე ნამდა ირ მანთხა პიროვნება ხვალახეთ გინაფლენს დუდის.

• „ნებისმიერ ასაკიშ ადამიანს, სოდგა ვა ცხოვრენდას, შილებე უჭირდას შხვეფწკუმა ურთიერთობაშა მიშულა“ (ჩედო ფემბე, „ჯანდაცვაშ მსოფლიო ორგანიზაციაშ სოციალურ კავშირიშ“ ართ-ართ თავმჯდომარე).

მუდგა გასაკვირ ვა რდასინ, თე პრობლემა ხვალე ხანშამიშულირეფს ვარდა იზოლაციას რენან თინეფს ვარინ, ახალგაზრდეფ, ჯამრთელეფ, წარმატებულეფ დო დაქორწინებულ წყვილეფს ხოლო აწუხენს. სოციალურ იზოლაციას შეულებ გლახათ იმოქმედას ადამიანიშ ფიზიკურ დო ემოციურ მდგომარეობაშა.

• „ხვალახობა ბრელით უმოს მეტ რე, ვინემ უბრალოთ თინა, ნამდა პიროვნება დუდის გლახათ გინაფლენდას“, იჩიებ დოქტორ ვივეკ მურთი, ნამუთ შეერთებულ შტატეფს მთავარ ქირურგ რე. უკულ გეუძინანს: „მუჭოთ დღაშე 15 ღერ სიგარეტიშ შუმა რე გლახა ჯამრთელობაშო, თეშნერ მოცილე რე სოციალურ იზოლაცია ხოლო“.

მუს იჩიებ ბიბლია

ჩქინ გუმაჭყაფალს ვაკო ადამიანეფწკუმა ურთიერთობას მორკებულ ვორდათ. ღორონთის ირო თინა ოკოდ, ადამიანეფქ ართიანწკუმა ჯგირ დო სასიამოვნო ურთიერთობათ გეხარესკო.

• ბიბლიურ პრინციპ: «იეჰოვა ღორონთიქ თქუ: „ვა რე ჯგირ კოჩიშ ხვალეიან რინა“» (დაბადება 2:18).

ღორონთის ოკო, ხოლოშიან ურთიერთობა მიღუდან თიწკუმა. თინა მოპირუნა, ნამდა დემეახლოვებუნა, მუჟამსით ჩქი ვეცადებუთ თიწკუმა დაახლოებას (იაკობი 4:8).

• ბიბლიურ პრინციპ: „ბედნერეფ რენა თინეფ, მიდგას არჩქილენა, ნამდა ღორონთშე გეწურაფა ოსაჭირნა, მუშენდა თინეფშო იჸუაფ ზეციერ სამეფო“ (მათე 5:3).

ღორონთის ოკო, შხვეფწკუმა ართო ვემსახურათ თის. მუჟამსით თაშ იფქციებუთ, თენა მოხვარუნა, ემოციურო ხოლო ჯგირო იბგინათ დუდ.

• ბიბლიურ პრინციპ: „ყურადღება გეგმიფრჩქინათ, ნამდა წუვახალისათ ართიან ჸოროფა დო ჯგირ საქმეეფშა. ვემვოტუათ ართო აკოშაყარუა, . .  თეშ მანგიორო, გურშა ელუკინათ ართიანს“ (ებრაელები 10:24, 25).

უმოს მეტ ინფორმაციაშ მიოღებელო თიწკუმა დაკავშირებით, მუშენ რე მნიშვნელოვან ვებრძოლათ ხვალახეობას, ქოძირით ართ-ართ სტატია ჩქინ ვებგვერდის („მარტოობა მასობრივი კომუნიკაციის ეპოქაში“).