მუშ კეთება შეილებ, მუჟამსით დუდის ხვალახეთ გინაფლენქ?

• „შეერთებულ შტატეფს მახორუ ახალგაზრდეფიშ დახე გვერდ, დუდის ხვალახეთ გინაფლენს, თინეფიშ უმენტაშ 18–შე 25 წანაშახ რე“ (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023 წანა).

• „ჯანდაცვაშ მსოფლიო ორგანიზაციაქ გიმაცხად, ნამდა იჸუაფ სოციალურ ურთიერთობეფიშ კომისია, მუთ ხვალახეობაშ საკითხის ჯანმრთელობაშ ართ-ართ პრობლემაცალო მეუდირთუ დო ხალხის მეხვარებ, ყურადღება გეგნიღას შხვეფწკუმა ურთიერთობაშ უმოსო გავითარებაშა. თეს გეძინელ, დოგორუნს თიშ საშვალებეფს, ნამდა მსოფლიოშ არძას ქიანაშ მახორუეფს — ვა უღჷ მნიშვნელობა, მუნერ ღარიბ ხალხ ცხოვრენს თექ — მეხვარებ გიორჯგინან თე სირთულეს“ („ჯანდაცვაშ მსოფლიო ორგანიზაცია“, 15 ნოემბერ, 2023 წანა).

ბიბლია მარზენა პრაქტიკულ რჩევეფს, მუთ მიმეხვარებუნა შხვეფწკუმა ურთიერთობა ადვილ მაფუდან დო დუდ ხვალახეთ ვებგინათ.

ნამ ბიბლიურ პრინციპეფ მიმეხვარებუნა?

დუდ აურიდე თიცალ საქმეეფიშ კეთებას, მუთ შხვეფწკუმა ურთიერთობაშ საშვალებას ვემერჩანს. თეცალ რე სოციალურ ქსელეფიშ გინოჸუნელო გიმორნაფა. თეშ მანგიორო, ეცად შხვეფწკუმა ურთიერთობაშ საშვალებეფ გორე დო თეშნერო ნამდვილ მეგობრეფ გაში.

• ბიბლიურ პრინციპ: „ნამდვილ მეგობარს ირიათო უჸორდენ იჸი; თინა გაჭირებაშო დაბადებულ ჯიმა რე“ (იგავები 17:17).

დოგორ შხვეფიშ მოხვარაშ საშვალებეფ. შხვეფშა ჯგირიშ კეთებათ თინეფწკუმა უჯგუშ ურთიერთობა გაღვენუ დო ხვალე თენა ვარინ, ემოციურო ხოლო უჯგუშო იგინანქ დუდის.

• ბიბლიურ პრინციპ: „შხვაშა ჯგირიშ კეთებას უმოს ბედნერობა მოუღ, ვინემ თის, ნამდა აშო გიკეთენა ჯგირს“ (საქმეები 20:35).

ჩქინ ვებგვერდის შეილებუნა ძირათ მეტ ინფორმაცია თიშ გურშენ, მუს იჩიებ ბიბლია ნამდვილ მეგობრობაშ გავითარებაშენ.