2023 წანა ოწუხებელით რდჷ ეფშა — მუს იჩიებ ბიბლია?

2023 წანას მოხვალამირ მსოფლიო მოვლენეფქ არგამათ ოძირუ, ნამდა ფცხოვრენთ ბიბლიას მოშინაფილ „ბოლო დღალეფს“ (2 ტიმოთე 3:1). დეკვირით, მუჭო ამტკიცენს ასეიან მოვლენეფ თის, მუდგა ბიბლიაქ იწინასწარმეტყველ ჩქინ დროშ გურშენ.

ბიბლიურ წინასწარმეტყველება დო მსოფლიო მოვლენეფ

„ქიგეგენთ ომეფიშ ხონარს დო ქიმირჩქილუანთ ამბეეფს ომეფიშ გურშენ“ (მათე 24:6).

• „მსოფლიოშ ბრელ ნაწილს კონფლიქტეფ იძინანს“.a

„იჸუაფ დიხანწალუეფ მინ ართ დო მინ მაჟია ადგილს“ (მარკოზი 13:8).

• „2023 წანაშ დაჭყაფშე, მთელ მსოფლიოს 13–შე უმოს ძალიერ მიწისძვრაქ მოხვად, ნამდგაშ სიმძლავრე 7 მაგნიტუდა რდჷ. მუთ დიხანწალუეფიშ აღრიცხვაქ დიჭყუნ თიშ უკულ, ართ წანაშ დინახალე თესხი ძალიერ დიხანწალუა დიო ვა მოხვალამე“.b

„იჸუაფ ოშქურანჯ მოვლენეფ“ (ლუკა 21:11).

• „გლობალურ დათბობაშ დროქ გეთუ, გლობალურ გინოფურაფაშ დრო იჭყაფუ“ (ანტონიო გუტიერეს, „გაეროშ“ გენერალურ მდივან).c

„იჸუაფ ოჭკუმალიშ სინაკლებე“ (მათე 24:7).

• „2023 წანას უმოსო გერთულ ოჯახიშ საჭიროებეფიშ მიკოჯინაქ“.d

„ძნელ გარზებელ დრო დოდირთუ“ (2 ტიმოთე 3:1).

• „მთელ მსოფლიო მაშტაბით ირ მაბრუო კოჩის მენტალურ პრობლემეფ უღჷ“.e

მუს ოკო ველუდათ 2024 წანას?

მითინს ვა უჩქჷ ზუსტას მუს მომღანა 2024 წანა. მარა მსოფლიო მოვლენეფშე იძირე, ნამდა ღორონთიშ სამეფო, შხვანერო ქოფთქუათინ, ზეციერ მთავრობა, დოთირანს არძა ადამიანურ მთავრობას დო ბოლოს მუღენს ტანჯებას დო ოწუხებელს (დანიელი 2:44; გამოცხადება 21:4).

ონდო თენა მოხვადუდას, შემლებუნა ღორონთიშ მოხვარაშ იმენდ მიღუდან. ბიბლიას ინოჭარ:

„ქუმაშქურინ-და, სი მიგენდებუქ“ (ფსალმუნი 56:3).

მუჭო ვოძირათ, ნამდა ვონდუთ ღორონთის? ელაიჩანთ, მეტ ქიგეგათ ბიბლიას ინოჭარილ უჯგუშ მომავალიშ გურშენ. ქოძირით, მუჭო იტარებ ბიბლიაშ გურაფა დო ქიგეგით, მუჭო შეულებ ბიბლიაშ დუნაპირებუს თქვანდა დო თქვან ოჯახშა ჯგირობუაშ მოღალა.