გაკვეთილ 10
მუჭო გებგათ, ნამუ რე ჭეშმარიტი რელიგია?
1. ხვალე ართი ჭეშმარიტი რელიგია არსებენსო?
„ფრთხილას რდათ ცრუწინასწარმეტყველეფწკუმა“ (მათე 7:15).
იესო მუში მოწაფეფს ხვალე ართი ჭეშმარიტი რელიგიაშ გურშენი ოგურუანდ. თინა რე შარა, ნამუსით ადამიანეფი მარადიული სიცოცხლეშა მეჸუნს. თე შარაშ გურშენი იესოქ თქუ: „ჭემითინი გორუნს“ თე შარას (მათე 7:14). ღორონთის ხვალე თი თაყვანისცემა მოწონს, ნამუთ მუში ჭეშმარიტი სიტყვას ოთანხმუ. არძა, მით ჭეშმარიტებას მეჸუნს, ართი რწმენათი რე გაერთიანებული. წეკითხით იოანეშ 4:23, 24; 14:6; ეფესოელეფიშ 4:4, 5.
ქუჯინით ვიდეოს „ქუმოწონსო ღორონც არძანერ რელიგია?“
2. მუ თქუ იესოქ ცრუ ქრისტიანეფშე?
„თინეფი არძაშ წოხოლე აღიარენა, ნამდა იჩინენა ღორონთის, მარა მუნეფიშ საქმეეფით უარყვენა თის“ (ტიტე 1:16).
იესოქ თქუ, ნამდა ცრუწინასწარმეტყველეფი გახრწნენდეს ნამდვილი ქრისტიანობას. თინეფი ართუცფას ჭეშმარიტი ქრისტიანეფი გარჩქვენუნა. ბრელი რელიგიაშ მიმაჸუნალი მუში დუდის ქრისტიანო თვალუნს, მარა ძნელი ვარე თინეფიშ ნამდვილი სახეშ ძირაფა. ჭეშმარიტი ქრისტიანეფი მუნეფიშ თვისებეფით დო საქმეეფით ოკო იჩინებედან. წეკითხით მათეშ 7:13—23.
ქუჯინით ვიდეოს„ქუმოწონსო ღორონც არძანერ რელიგია?“
გენიფხილათ ხუთი ნიშანი:
ჭეშმარიტი რელიგიაშ მიმაჸუნალეფშო ბიბლია ღორონთიშ სიტყვა რე. თინეფი ოცადუნა იცხოვრან ბიბლიური პრინციპეფწკუმა შეთანხმებულო. ზუსტას ათეთ გენესხვავებუ ჭეშმარიტი თაყვანისმცემლობა შხვა რელიგიეფშე, ნამუთ ადამიანური წესეფს დო შეხედულებეფს მეჸუნს (მათე 15:7—9). ჭეშმარიტი რელიგიაშ მიმაჸუნალეფი მუდგას ქადაგენა, თიშ მიხედვით ცხოვრენა. წეკითხით იოანეშ 17:17; 2 ტიმოთეშ 3:16, 17.
ჭეშმარიტი რელიგიაშ მიმაჸუნალეფი განადიდენა ღორონთიშ სახელს, იეჰოვას. იესო განადიდენდ ღორონთიშ სახელს თით, ნამდა ადამიანეფწკუმა ჩიებაშ დროს ვაფულუნდ თის. თინა ხალხის ღორონთიშ გურშენი ურაგადუდ დო ოგურუანდ, ილოცესკო ღორონთიშ სახელიშ განწმენდაშენ (მათე 6:9). ნამუ რელიგიაშ მიმაჸუნალეფი აცხადენა ღორონთიშ სახელს თექი, სოდე თქვა ცხოვრენთ? წეკითხით იოანეშ 17:26; რომაელეფიშ 10:13, 14.
ჭეშმარიტი ქრისტიანეფი ღორონთიშ სამეფოშენ ქადაგენა. ღორონთიქ იესო დედამიწაშა თიშენი მაშკუ, ნამდა ღორონთიშ სამეფოშ გურშენი იქადაგუკო. კაცობრიობაშო ხვალე ართი იმენდი არსებენს; თენა ღორონთიშ სამეფო რე. იესო მუში ღურაშ ბოლო წუთეფშა იჩიებუდ თე სამეფოშენ (ლუკა 4:43; 8:1; 23:42, 43). თიქ თქუ, ნამდა მუში მიმაჸუნალეფი ხოლო გაგრძელენდეს თე საქმეს. მითინქ ქუმორთ თქვანდა დო ქიგეჩის ღორონთიშ სამეფოშენდა, მუჭო ფიქრენთ, ნამუ რელიგიაშ მიმაჸუნალი იჸუაფუ თინა? წეკითხით მათეშ 24:14.
იესოშ მიმაჸუნალეფი თე ქიანაშ ნაწილი ვარენა. თინეფი ვართ პოლიტიკაშა მიშულა დო ვართ ეთნიკურ კონფლიქტეფს ღებულენა მონაწილეობას (იოანე 17:16; 18:36). იესოშ მიმაჸუნალეფი შორს რენა თიცალი აზროვნება დო გლახა საქმეეფშე, ნამუთ თე ქიანაშ ხალხის ახასიათენს. წეკითხით იაკობიშ 4:4.
ნამდვილი ქრისტიანეფს განსაკუთრებულო უჸორა ართიანი. ღორონთიშ სიტყვაშე თინეფი გურაფულენა, ნამდა პატი ცან არძა ეროვნებაშ ხალხის. ცრუ რელიგია ხშირას ხეს უნწყუნს შხვადოშხვა ეროვნებაშ ხალხიშ შკას ჩხუპის, მარა ჭეშმარიტი რელიგიაშ მიმაჸუნალეფი ვაღებულენა ჩხუპის მონაწილეობას (მიქა 4:1—3). ნამდვილი ქრისტიანეფი მუნეფიშ დროთ დო ფინანსურ საშუალებათ შხვეფს ოხვარუნა დო ელურენა. წეკითხით იოანეშ 13:34, 35; 1 იოანეშ 4:20.
4. გეშქაჩინებენანო, ნამუ რე ჭეშმარიტი რელიგია?
მუჭო ფიქრენთ, ნამუ რელიგია ოგურუანს მთლიანო ბიბლიაშ მიხედვით, ნამუ რელიგია განადიდენს ღორონთიშ სახელს დო ნამუ აცხადენს, ნამდა კაცობრიობაშო ხვალე ართი იმენდი, ღორონთიშ სამეფო, არსებენს? ნამუ რელიგიაშ მიმაჸუნალეფს უჸორა ართიანი დო ვაღებულენა მონაწილეობას ჩხუპის? წეკითხით 1 იოანეშ 3:10—12.