მუ რე საჭირო ოჯახიშ ბედნიერებაშო?

1. მუშენი რე ოჯახიშ ბედნიერებაშო აუცილებელი კანონიერი ქორწინება?

სახიოლო ამბე ბედნერი ღორონთი, იეჰოვაშე მოურს. თის ოკო არძა ოჯახი ბედნერი რდას (1 ტიმოთე 1:11). ქორწინება ღორონთიშ გოჭყაფილი რე. ქორწინებაშ დარეგისტრირება აუცილებელი რე ოჯახიშ ბედნიერებაშო. თენა საშუალებას ირზენს, ნამდა ბაღანეფქ მშვიდი დო უსაფრთხო გარემოს მირდანი. ნამდვილო, ქრისტიანეფქ პატი ოკო ცანი ადგილობრივ კანონეფს, ნამუთი ქორწინაბაშ რეგისტრაციას ოხუ. წეკითხით ლუკაშ 2:1, 4, 5.

მუჭო უჯინე ღორონთი ქორწინებას? ღორონთის ოკო, ნამდა ქორწინება მუდმივი კავშირი რდას დო ჩილ დო ქომონჯი ართიანიშ ერთგული რდანი (ებრაელები 13:4). თის ჯოგუ ჩილ დო ქომონჯიშ დათხია (მალაქია 2:16). მარა ღორონთი ქრისტიანეფს დათხიაშ დო კინი ახალშე დაქორწინებაშ უფლებას ხვალე ქომონჯიშ ვარდა ოსურიშ ღალატიშ შემთხვევას არზენს. წეკითხით მათეშ 19:3—6, 9.

2. მუჭო ოკო ოქცუდანი ჩილ დო ქომონჯი ართიანს?

ღორონთიქ კოჩი დო ოსური გარჩქინუ ართიანიშ შემავსებელო (დაბადება 2:18). ქომონჯის, მუჭოთ ოჯახიშ დუდის, ოვალუ, მუკაჯინას მუშ ოჯახის მატერიალურო დო ოჯახიშ წევრეფს დაგურუას ღორონთიშ მცნებეფი დო კანონეფი. ქომონჯის მუში დუდცალო ოკო უჸორდას ოსური. ჩილ დო ქომონჯიქ ართიანს პატი ოკო ცანი. არძა ჩილ დო ქომონჯი არასრულყოფილი რე, მარა თინეფს ბედნერი ოჯახი აღვენუნა, მუჟამს ართიანიშ პატიებას ქიდიგურუანა. წეკითხით ეფესოელეფიშ 4:31, 32; 5:22—25, 33; 1 პეტრეშ 3:7.

3. ოკო დეთხიათო ართიანს, ბედნიერი ოჯახი ვაიღუნანდა?

მუჟამს ოჯახის უთანხმოება გიღუნა, ეცადით ართიანს იშენი ჸოროფათი მექცუათი (1 კორინთელები 13:4, 5). შილებე ოჯახის ჭიჭე პრობლემეფი რდას, მარა ეშგურშენ ბიბლია ვაურჩიენს ჩილ დო ქომონჯის ცალ-ცალკე ცხოვრებას. წეკითხით 1 კორინთელეფიშ 7:10—13.

4. ბაღანეფი, მუს მელუ ღორონთი თქვანდე?

იეჰოვაშ სურვილი რე, ბედნერეფი რდათი. თინა არძაშ უჯგუში რჩევეფს მერჩანა, ნამუთი დეგეხმარებუნა აზრიანო გატარათ ახალგაზრდობა. ღორონთი ელუ თქვანდე, ნამდა მშობლეფს დუჯერენთ; თინეფს თქვანი უმოსი სიბრძნე დო გამოცდილება უღუნა (კოლოსელები 3:20). იეჰოვაშ სურვილი თინა ხოლო რე, ნამდა თქვა ხიოლით ემსახურათ მუს დო მუშ სქუას. წეკითხით ეკლესიასტეშ 11:9—12:1; მათეშ 19:13—15; 21:15, 16.

5. მშობლეფი, მუ რე საჭირო თქვანი სქუალეფიშ ბედნიერებაშო?

სქუალეფიშ ეიოჯუმალარო დიდ შრომა რე საჭირო (1 ტიმოთე 5:8). ბაღანეფქ ბედნიერქ ქიჸუანი თიშენი, თინეფს ღორონთიშ ჸოროფა დო მორჩქილა ოკო დაგურუათ (ეფესოელები 6:4). თინეფშო ჯგირო იმოქმედენს, მუჟამს ორწყენა, თქვა მუჭო გიორა ღორონთი. ბაღანეფს ღორონთიშ სიტყვაშე ქიმეჩანთ რჩევა-დარიგებეფსდა, თინეფი სწორაშე აზროვნებას ქიდიგურუანა. წეკითხით კანონიშ 6:4—7; იგავეფიშ 22:6.

ბაღანეფს მოწონა, მუჟამს ოცქვანა, მარა ვართ დასაჯებაქ გუგოჭყორდანი. სქუალეფს თაშ მორდუნთდა, ონჯღორეს ვაგოძირანა დო თიცალი მუთუნს ვაგაკეთენა, ნამუთ ბედნერებას მიდუღანს (იგავები 22:15). მარა მშობლეფს ზედმეტიქ ოკო ვამურთანი დო ბაღანას სასტიკო ვემექცუანი. წეკითხით კოლოსელეფიშ 3:21.

იეჰოვაშ მოწმეეფქ ბიბლიაშე დაფუძნებულ ბრელი წიგნი გიშაშკვეს,ნამუთ მშობლეფს დო ბაღანეფს დიდო დეხმარებუ.