Reyọ jw.org Vwo Ruiruo Vwevunrẹ Aghwoghwo Na​—⁠“Dia Ugbeyan ri Jihova”

Ẹbẹre ri “Bible Teachings” rọhẹ jw.org vwo uyono re se nẹ: “Dia Ugbeyan ri Jihova” ra rhuẹrẹ kẹ emọ. Ẹbẹre nana vwo ine, ividio vẹ erọnvwọn efa. Wọ reyọ ẹbẹre nana wian vwevunrẹ aghwoghwo na jovwo re? Ọ da dianẹ wẹ vẹ ọmiọvwọn ro vwo imitete yono Baibol na, diesorọ wo rhe dje ẹbẹre nana kẹ-ẹ? Ọnana se muo vwo rhiẹ ẹbẹre efa ri Wẹb saiti avwanre na.

Ọke ra vwọ ghare Ovuẹ Ruvie Na Ukeri 38, oniọvo ọshare ọvo da yan mrẹ aye ro se ọmọbe na ọke ro ghwe vwo te obọ nu. Aye na vwo imitete re guọnọ riẹn kpahen ọmọbe na. Oniọvo na de nene aye na tota kpahen ọmọbe na, o de dje Wẹb saiti avwanre rọhẹ obuko ọmọbe na kẹ. Fikiridie nẹ omavwerhen aye na, oniọvo na de hworo ividio rẹ Kelẹb kẹ aye na vẹ emọ rọyen vwẹ ifonu rọyen komobọ.

Oniọvo aye ọvo vuẹ ohwo ọvo rọ vẹ ọyen gba wian ro vwo emọ kpahen Wẹb saiti na kugbe iyono reherọ vwọkẹ erua. Aye na vẹ emọ rọyen de rhie Wẹb saiti na. Aye na da vuẹ oniọvo na nẹ emọ rọyen so une ri “Preach the Word,” ra reyọ vwo nẹ “Dia Ugbeyan ri Jihova” vwevunrẹ uwevwin.

Ofori nẹ wọ nabọ riẹn ẹbẹre nana ri jw.org, rere wọ danlodu rẹ ine, ividio yẹrẹ erọnvwọn efa vwẹ ifonu wẹn. Ọke yena, ku wọ sa vwẹ ẹbẹre nana vwọ wian vwẹ iruo aghwoghwo na. Ọnana omamọ rẹ ọrọnvwọn rọ chọn avwanre uko vwo gbe odibo kẹ Ọrovwori na!​—⁠Iruo 20:19.