Vwẹ Wẹb Saiti Avwanre Vwo Ruiruo Vwẹ Aghwoghwo Na—“Bible Questions Answered”

Ẹbẹre rẹ “Bible Teachings” vwẹ jw.org vwo uyovwinrota re se nẹ “Bible Questions Answered.” Siẹrẹ avwanre da nabọ riẹn enọ nana re dje ẹnẹnọ na, avwanre ke sa vuẹ ihwo re nọ enọ na nẹ ayen rhie Wẹb saiti rẹ avwanre rere ayen mrẹ ẹkpahọnphiyọ ri nẹ Baibol na rhe. A je sa reyọ enọ nana vwọ ton ota ẹta phiyọ vwẹ aghwoghwo na. Avwanre sa sane onọ ọvo ro shekpahen ihwo rehẹ evunrẹ ekogho rẹ avwanre, nọ ohwo na obo ro roro kpahen onọ na, rere avwanre vwẹ obo rehẹ evunrẹ jw.org vwọ vuẹ obo ri Baibol na tare. Wo de ru ọtiọyen nu, gbe dje asan rẹ evuẹ rẹ avwanre hepha vwọ kẹ. Owọ-ẹjẹ ọfa, ọyen wọ vwọ vwẹ uphẹn kẹ rere o se ẹkpahọnphiyọ na vwo nẹ Wẹb saiti na. Aye rẹ oniruo rokiẹn ọvo mrẹ erere vwo nẹ ona nana rhe rọ vwọ reyọ vwo ruiruo, rọ vwọ ta: “Ihwo buebun nọ, ‘Ọghẹnẹ yen so ojaẹriọ rẹ avwanre?’ Wọ guọnọ riẹn ẹkpahọnphiyọ rẹ onọ nana vwẹ aroẹbrẹ 51?” Ọtiọyena, ko hworo ẹkpahọnphiyọ rẹ onọ na, ọrẹ uhworo ọvo rọ danlodu phiyọ ifonu rọyen. Ọ da reyọ uyovwinrota 11 ri Bible Teach vwo ku ota na phiyọ.