Mrẹ Aghwanre re se Vwo Yeren Akpọ ri Kẹdẹ Kẹdẹ Vwẹ JW.ORG

Ota rẹ Ọghẹnẹ kẹ avwanre erọnvwọn eje ra guọnọre e se vwo yerin ghene ebẹnbẹn re hirharokuẹ vwẹ ọke rẹ oba nana. (2 Tim. 3:​1, 16, 17) Dedena vwẹ ọkievo, avwanre sa guọnọ ukẹcha rẹ obo ra sa vwọ mrẹ iyono ri Baibol ri shekpahen ẹdia evo kiriguo vwẹ akpeyeren rẹ avwanre. Kerẹ udje, wẹwẹ ọmiọvwọn rọ guọnọ uchebro kpahen obo ru wọ sa vwọ yọnrọn emọ wẹn? Wẹwẹ eghene ro hirharokuẹ edavwini ri shekpahen esegbuyota wẹn? Wẹwẹ aye yẹrẹ ọshare rẹ ọrivẹ rẹ orọnvwe rọyen ghwu jovwo ro vwere uvweri? Wọ cha mrẹ evuẹ vwẹ jw.org re cha chọn wẹ uko vwọ mrẹ iyono ri Baibol eghanghanre evo kiriguo re cha vwẹ ukẹcha kẹ wẹ vwẹ ẹdia nana vẹ efa.​—⁠Isẹ 2:​3-6.

Kpo ẹbẹre rẹ IYONO RẸ BAIBOL vwẹ aruọbe rẹsosuọ vwẹ jw.org/⁠urh (Ni uhoho 1.) Sane vwẹ usun rẹ erọnvwọn re vwomaphia vwẹ ẹbẹre nana ro je we. Yẹrẹ kpo ẹbẹre rẹ ẸBE VẸ ERỌNVWỌN EFA > IYOVWINRETA SANSAN, wọ sane ọ ro je we vwẹ usun rẹ erọnvwọn re vwomaphia vwẹ ẹbẹre nana. (Ni uhoho 2.) Wọ je sa mrẹ vwẹ JW Library^®.a Wọ cha riavwerhen rẹ iyovwinreta nana o toro asan wọ da hiẹ guọnọ aye-en. Owọẹjẹ ọfa ọyen ra vwọ guọnọ uyovwinrota ọvo kiriguo vwẹ ekpeti ra vwọ hiẹ guọnọ erọnvwọn vwẹ jw.org.

Si iyovwinreta nana phiyọ ekpeti na, wọ jokaphiyọ erọnvwọn re vwomaphia ru wọ guọnọ se.

• Ẹyọnrọn rẹ emọ

• Ofudjevwe rẹ ighene

• Ughwu rẹ ọrivẹ rẹ orọnvwe