Diesorọ Avwanre Vwọ Fobọ Kparoma?

Siẹrẹ avwanre de siomakoko kẹ iruo ada na, ọ ghwa bra rẹ avwanre vẹ iniọvo avwanre vwo gbiku-un. Ẹkẹvuọvo, siẹrẹ e de ru omẹvwa rẹ ada na nu, ofori nẹ avwanre fobọ kparoma kpẹ ekogho re de che ghwoghwo ota na. Aghwoghwo rẹ avwanre na guọnọ okpakpa. (2 Tim. 4:⁠2) Avwanre de gbeghẹrẹ, ọke ro chekọ vwọ kẹ iruo na kọ cha hanvwe. Uphẹn rẹ avwanre vẹ iniọvo avwanre vwo gbikun, ji phiuduphiyọ ohwohwo awọ che rhiephiyọ ọke avwanre da yan vwevunrẹ aghwoghwo na. Ravwọ fobọ kparoma kpẹ aghwoghwo na, dje oruru rẹ avwanre phia kerẹ ihwo ri gbe odibo kẹ Jihova vẹ Ọmọ rọyen.​—⁠Rom 12:11.