Obo re se Vwo Vwo Omavwerhovwẹn Vwẹ Ọke rẹ Ebẹnbẹn—Die Yen Baibol na Tare?

E che se sun erọnvwọn eje re phia kẹ avwanre vwẹ ọke rẹ ebẹnbẹn nanaa. Ẹkẹvuọvo, uruemu re djephia vwẹ ọke rẹ ebẹnbẹn yen me djobọte omavwerhovwẹn rẹ avwanre vwọ vrẹ ẹdia rẹ avwanre hepha. Baibol na tare nẹ “ihwo rẹ oma vwerhan riavwerhen rẹ akpeyeren ọkieje” dede nẹ ayen hirharokuẹ ebẹnbẹn. (Isẹ 15:15, Good News Translation) Die yen e se ru vwo vwo omavwerhovwẹn phiyọ? Mrẹ oborẹ uchebro ri Baibol na sa vwọ vwẹ ukẹcha phia.

Si ẹnwan kpotọ

Baibol na da ta: “Ẹwan ẹruọ rọ hẹ evun rẹ ohwo ghwọrọ ohwo na oma, ẹkẹvuọvo ota esiri nẹrhẹ oma vwerhọn.”—Isẹ 12:25.

• Baibol na sa cha wẹ uko vwo si ẹnwan kpotọ. Wọ sa vwọ mrẹ oborẹ Baibol na se vwo ru ọtiọyen, se uyovwinrota na “What the Bible Says About Anxiety.”

Si ọruvwohwo kpotọ

Baibol na da ta: “Igbeyan vwo ẹguọnọ kpahe ohwo kọke kọke, e vwiẹ oniọvo kpahe ohwo fiki rẹ ẹdoja.”—Isẹ 17:17.

• Baibol na vwo uchebro rọ sa cha wẹ uko vwo si ọruvwohwo kpotọ. Se uyovwinrota na “Mu Igbeyan Vwo Phi Ẹdia rẹ Ọruvwohwo Kparobọ​—Obo ri Baibol na sa Vwọ Vwẹ Ukẹcha Phia.”

Vwo ẹguọnọ rẹ Ọghẹnẹ vẹ ọrivẹ wẹn

Baibol na da ta: “Vwo ẹguọnọ ri Jihova Ọghẹnẹ wẹn vẹ ubiudu wẹn eje kugbe erhi wẹn eje kugbe iroro wẹn eje. . . . Vwo ẹguọnọ rẹ ọrivẹ wẹn kirobo wo vwo ẹguọnọ rẹ oma wẹn.”a—Matiu 22:37-39.

• Ẹrhovwo sa nẹrhẹ ẹguọnọ re vwo kpahen Ọghẹnẹ ganphiyọ. Wo vwo yono kpobarophiyọ, se uyovwinrota na “Ọghẹnẹ Nyo Ẹrhovwo rẹ Avwanre?”

• Avwanre dje ẹguọnọ kẹ ihwo efa siẹrẹ e de nene obo re se Urhi Oro na. Mrẹ erọnvwọn efa vwẹ uyovwinrota nana, “Die Yen Urhi Oro Na?”

Wo se vwo yono kpahen oborẹ Baibol na sa vwọ cha wẹ uko vwo vwo omavwerhovwẹn vwẹ ọke ebẹnbẹn, avwanre durhie uwe nẹ wọ davwen uyono ri Baibol rẹ ọphẹ rẹ avwanre ni.