Iseri ri Jihova vẹ Holocaust Na​—Die Yen Baibol na ta Kpahọn?

Vwẹ January 27, 2023, ihwo buebun che vwobọ vwẹ International Holocaust Remembrance Day. Erọnvwọn ebrabra re phiare omarẹ ẹgbukpe 75 re wanre na sa nẹrhẹ wo roro kpahen oboresorọ Ọghẹnẹ vwọ vwẹ uphẹn kẹ ohwekufia ri Holocaust na nẹ ọ phia.

• Rere wọ vwọ mrẹ oborẹ Baibol na tare, se uyovwinrota na, “Diesorọ Ohwekufia ri Holocaust na Vwọ Phia? Diesorọ Ọghẹnẹ Rha Da Obọ Rọyen Ji-i?”

Ihwo ri Ju buebun rioja mamọ fikirẹ rẹ ohwekufia na. A vwẹ arogba vwo hwe iduduru rayen ghwu. Vwẹ ọke rẹ ohwekufia na, e mukpahen ihwo rehẹ ẹko efa, ji hwe ayen ghwu. Iseri ri Jihova re mukpahen fikirẹ esegbuyota rẹ ayen vwo kpahen Baibol na jehẹ usun rẹ ihwo nana.

• Wọ da guọnọ riẹn erọnvwọn efa, se uyovwinrota na “What Happened to Jehovah’s Witnesses During the Time of the Holocaust?”

“Ọke rọ cha vẹ iphiẹrohọ”

Oshọ muẹ ihwo buebun nẹ ohwekufia rọ họhọ Holocaust na sa rhoma phia. Ọ vwerhoma nẹ Baibol na rionbọ vwo kpo ọke rẹ erọnvwọn tiọyena rha cha phia-a.

• “Kidie me riẹn iroro ri mi vwo kẹ ovwan, eriyin Ọrovwohwo [Jihovaa] tare, iroro re erhuvwu ọ dia ọ rẹ umiovwo me cha vwọ kẹ ovwan vwẹ ọke rọ cha vẹ iphiẹrohọ.”​—Jerimaya 29:11.

Iphiẹrophiyọ nana che rugba vwẹ ọke ri Jihova Ọghẹnẹ che vwo phioba phiyọ imwemwu, ji si umiovwo rọ soro no. O rhe che kri-i, kọ cha:

• Ghwọrọ irumwumwu na.​—Isẹ 2:22.

• Hwarhiẹ usivwin vwo rhe ihwo re rioja.​—Ẹvwọphia 21:4.

• Kpare ihwo ri ghwuru vwo nẹ ushi.​—Jọn 5:​28, 29.

Wọ sa vwẹroso uvi rẹ iphiẹrophiyọ rehẹ Baibol na. Wọ sa vwọ riẹn oboresorọ, avwanre durhie uwe nẹ wọ davwen uyono ri Baibol rẹ ọphẹ rẹ avwanre ni.