مسیحیوں کے طور پر زندگی

خالق کو جاننے میں ایسے لوگوں کی مدد کریں جو کسی مذہب کو نہیں مانتے

کیا آپ کو کبھی کسی ایسے شخص کو گواہی دینا مشکل لگا ہے جو کسی مذہب کو نہیں مانتا؟ شاید آپ کو اُس شخص کو گواہی دینا اِس لیے مشکل لگا کیونکہ آپ سوچ رہے تھے کہ وہ آپ کی بات نہیں سنے گا۔ اگر ایسا ہے تو یاد رکھیں کہ ایسے بہت سے لوگ جو پہلے نہ تو کسی مذہب کو مانتے تھے اور نہ ہی خدا پر ایمان رکھتے تھے بعد میں یہوواہ کے گواہ بن گئے۔ کبھی کبھار ہمیں بس کچھ ایسے ثبوتوں پر غور کرنے میں اُن کی مدد کرنی تھی جن سے ثابت ہوتا ہے کہ خدا موجود ہے۔—‏روم 1:‏20؛‏ 10:‏14‏۔‏

ویڈیو ‏”‏یاد رکھیں—‏ایمان سے خالی لوگ بھی ایمان لا سکتے ہیں!‏—‏کسی مذہب کو نہ ماننے والے‏“‏ کو دیکھیں اور پھر اِس سوال کا جواب دیں:‏

آپ بھائی ٹوماسو کی زندگی سے ایسے لوگوں کو گواہی دینے کے حوالے سے کیا سیکھتے ہیں جو کسی مذہب کو نہیں مانتے؟‏

باوج اک پآ

آپ یہ کیسے کر سکتے ہیں؟‏

اگر ایک شخص کہتا ہے کہ وہ خدا پر ایمان نہیں رکھتا تو بھی اُس کے ساتھ پیار، سمجھ‌داری اور صبر سے پیش آئیں۔ چاہے وہ ایک معاملے کے بارے میں کوئی بھی رائے رکھتا ہو، اُس کی بات دھیان سے سنیں اور اُس کے احساسات کو سمجھنے کی پوری کوشش کریں۔ (‏2-‏تیم 2:‏24‏)‏ اُس سے کسی ایسے موضوع پر بات کریں جس میں اُس کی بھی دلچسپی ہو۔ کیا وہ ایسے ثبوتوں پر بات کرنے کے لیے تیار ہے جن پر بات کرنے سے بہت سے لوگ خدا پر ایمان لے آئے ہیں؟ اگر وہ شخص بات کرنے کے لیے تیار ہو جاتا ہے تو اُسے ہماری کتابوں اور ویڈیوز میں سے کچھ ایسا دِکھائیں جس میں اِسی بارے میں بات کی گئی ہو۔ کتاب ‏”‏واز لائف کری‌ایٹڈ“‏ اور ‏”‏دی اوریجن آف لائف—‏فائیو کوسچنز ورتھ آسکنگ“‏ کو ہمارے تعلیم دینے کے اوزاروں میں شامل کر دیا گیا ہے تاکہ اِنہیں آسانی سے نکالا جا سکے۔‏

ہو سکتا ہے کہ شروع شروع میں آپ کسی ایسے شخص سے بات کرنے سے گھبرائیں جو خدا پر ایمان نہیں رکھتا۔ آپ اِس حوالے سے کسی تجربہ‌کار مبشر سے مدد لے سکتے ہیں۔ یاد رکھیں کہ یہوواہ ایسے لوگوں کو ڈھونڈنے میں آپ کی مدد کر سکتا ہے جو دل سے اُس کے بارے میں جاننا چاہتے ہیں پھر چاہے وہ شروع میں خدا کے وجود پر ایمان نہ بھی رکھتے ہوں۔—‏اعما 13:‏48‏۔‏