ستمبر میں خدا کی بادشاہت کے بارے میں بتانے کی ایک خاص مہم

ستمبر میں ہم ایک خاص مہم کے ذریعے لوگوں کو یہ بتائیں گے کہ صرف خدا کی بادشاہت ہی اِنسانوں کے مسئلوں کو حل کر سکتی ہے۔ (‏متی 24:‏14‏)‏ آپ اِس مہم میں کیسے حصہ لے سکتے ہیں؟ اِس مہم کے دوران زیادہ سے زیادہ لوگوں کو خدا کی بادشاہت کے بارے میں کوئی آیت دِکھائیں۔ اگر کوئی شخص ہمارے پیغام میں دلچسپی لیتا ہے تو اُسے ‏”‏مینارِنگہبانی“‏ نمبر 2، 2020ء کا عوامی شمارہ دیں۔ پھر جتنی جلدی ہو سکے، اُس شخص سے دوبارہ ملیں اور اُسے قاعدہ ‏”‏اب اور ہمیشہ تک خوشیوں بھری زندگی!‏“‏ کے ذریعے بائبل کورس شروع کرانے کی کوشش کریں۔ جو بہن بھائی ستمبر میں مددگار پہل‌کار کے طور پر خدمت کریں گے، وہ 15 یا 30 گھنٹے مُنادی کر سکتے ہیں۔‏

بہت جلد خدا کی بادشاہت اُن تمام حکومتوں کو ختم کر دے گی جو اُس کی مخالفت کرتی ہیں۔ (‏دان 2:‏44؛‏ 1-‏کُر 15:‏24، 25‏)‏ دُعا ہے کہ ہم سب اِس خاص موقعے سے بھرپور فائدہ اُٹھائیں اور یہ ثابت کریں کہ ہم خدا اور اُس کی بادشاہت کی حمایت کرتے ہیں۔‏