مسیحیوں کے طور پر زندگی | نئے خدمتی سال کے لیے منصوبے بنائیں
پہلکار بنیں
جب ہم منصوبہ بناتے ہیں کہ ہم یہوواہ کی خدمت میں اَور زیادہ کام کرنے کے لیے کیا کریں گے تو ہم اپنی طاقت کو اچھی طرح سے اِستعمال کر پاتے ہیں۔ (1-کُر 9:26) اِس آخری زمانے کے ختم ہونے میں اب زیادہ وقت باقی نہیں ہے اور منصوبے ہماری مدد کرتے ہیں کہ ہم اپنے وقت کا بہترین اِستعمال کریں۔ (اِفس 5:15، 16) آپ اپنی خاندانی عبادت کے دوران اگلے خدمتی سال کے لیے منصوبے بنا سکتے ہیں۔ اِس سلسلے میں آپ کی مدد کرنے کے لیے اِجلاس کے اِس قاعدے کے کچھ مضامین میں کچھ منصوبوں پر بات کی گئی ہے جن پر آپ دُعا کر کے غور کر سکتے ہیں۔—یعقو 1:5۔
مثال کے طور پر کیا سب گھر والے گھر کے کسی ایک فرد کی پہلکار بننے میں مدد کر سکتے ہیں؟ اگر آپ کو لگتا ہے کہ آپ اُتنے گھنٹے مُنادی نہیں کر پائے گے جتنے گھنٹے ایک پہلکار کو کرنی ہوتی ہے تو کچھ ایسے پہلکاروں سے بات کریں جن کے حالات آپ جیسے ہیں۔ (امثا 15:22) شاید آپ خاندانی عبادت کے دوران کسی پہلکار کا اِنٹرویو کر سکتے ہیں۔ آپ فرق فرق شیڈول بنا کر دیکھ سکتے ہیں کہ آپ کو ہر دن یا ہر ہفتے کتنے گھنٹے مُنادی کرنی ہوگی۔ اگر آپ ماضی میں کبھی پہلکار تھے تو سوچیں کہ کیا ابھی آپ کے حالات آپ کو دوبارہ سے پہلکار بننے کی اِجازت دیتے ہیں۔
کیا آپ کے گھر کا کوئی فرد ایک یا دو مہینے کے لیے مدد گار پہلکار بن سکتا ہے؟ اگر آپ اپنی صحت کی وجہ سے ایک ہی دن میں زیادہ دیر تک مُنادی نہیں کر سکتے تو آپ روزانہ تھوڑی تھوڑی دیر کے لیے مُنادی کر سکتے ہیں۔ اگر اپنے کام یا سکول کی وجہ سے آپ کے پاس زیادہ وقت نہیں ہے تو آپ کسی ایسے مہینے میں مدد گار پہلکار بن سکتے ہیں جس میں کوئی چھٹی آ رہی ہے یا جس میں زیادہ ہفتے اور اِتوار ہیں۔ ایک کیلنڈر پر لکھ لیں کہ آپ کس مہینے میں مدد گار پہلکار بنیں گے اور اِس کے لیے شیڈول بنا کر اُسے لکھ لیں۔—امثا 21:5۔
ویڈیو ”دلیر بنیں . . . پہلکار کے طور پر“ کو دیکھیں اور اِس سوال کا جواب دیں:
بہن آماند کی مثال سے کیسے پتہ چلتا ہے کہ جو بہن بھائی پہلکار بننے کے لیے قربانیاں دیتے ہیں، یہوواہ اُن نے پیار کرتا ہے اور اُن کا خیال رکھتا ہے؟