مسیحیوں کے طور پر زندگی
گواہی دینے کے کام میں اپنی مہارتوں کو نکھاریں—ویڈیوز کے ذریعے تعلیم دیں
یہ مہارت پیدا کرنا ضروری کیوں ہے؟
ویڈیوز لوگوں کے دلوں کو چُھو لیتی ہیں۔ جب لوگ اِنہیں دیکھتے ہیں تو اُن کے سننے اور دیکھنے کی حس بڑی تیزی سے کام کرتی ہے۔ اِس سے لوگوں کی دلچسپی بڑھتی ہے اور جو کچھ وہ دیکھتے ہیں، وہ اُنہیں دیر تک یاد رہتا ہے۔ یہوواہ خدا نے بھی اکثر اپنے بندوں کو کوئی بات سمجھانے کے لیے اُنہیں مختلف چیزیں دِکھائیں۔—اعما 10:9-16؛ مکا 1:1۔
کتاب خوشخبری کے سبق 2 اور 3 میں دی گئی معلومات کے علاوہ اَور بہت سی دلچسپ معلومات ویڈیوز کیا خدا کا کوئی نام ہے؟، بائبل کس کی طرف سے ہے؟ اور ہم کیسے جانتے ہیں کہ بائبل واقعی خدا کی طرف سے ہے؟ میں بھی دی گئی ہیں۔ ویڈیوز بائبل میں دلچسپی کیوں لیں؟، ہم بائبل کورس کیسے کراتے ہیں؟ اور ہماری عبادتگاہوں میں کیا ہوتا ہے؟ لوگوں کو بائبل کورس کرنے اور ہمارے اِجلاسوں پر آنے کی ترغیب دیتی ہیں۔ ہماری اَور بھی ویڈیوز ہیں جو بائبل کورس کرنے والوں کو دِکھائی جا سکتی ہیں۔—بادشاہتی خدمتگزاری 5/13 ص. 3۔
آپ کیا کر سکتے ہیں؟
جو ویڈیو آپ دِکھانا چاہتے ہیں، اُسے پہلے سے ڈاؤنلوڈ کر لیں۔
ایک یا دو ایسے سوالوں کے بارے میں سوچیں جن کے جواب ویڈیو میں ملیں گے۔
صاحبِخانہ کے ساتھ ویڈیو دیکھیں۔
ویڈیو میں دِکھائی گئی خاص خاص باتوں کے بارے میں باتچیت کریں۔
اِس مہینے یہ کریں:
ہمارے پرچوں میں سے کسی ایک پرچے کا آخری صفحہ کھولیں اور صاحبِخانہ کی توجہ اُس کوڈ کی طرف دِلائیں جسے سکین کرنے سے ویڈیو بائبل میں دلچسپی کیوں لیں؟ کُھل جائے گی۔
ویڈیو ہم کیسے جانتے ہیں کہ بائبل واقعی خدا کی طرف سے ہے؟ دِکھائیں۔ پھر کتاب خوشخبری کے سبق 3 پر باتچیت کریں اور اِسے پیش کریں۔