دلیری سے خدا کا کلام سناتے رہیں

^۱ مسیحی خادموں کے طور پر ہم جانتے ہیں کہ تمام لوگ ہمارے پیغام کو نہیں سنیں گے۔ (‏متی ۱۰:‏۱۴‏)‏ لہٰذا، اس وجہ سے ہم منادی کرنا نہیں چھوڑ دیتے۔ (‏امثا ۲۹:‏۲۵‏)‏ کیا چیز خدا کے کلام کو دلیری سے سناتے رہنے میں ہماری مدد کرتی ہے؟‏

^۲ پولس رسول نے ”‏خداوند مسیح یسوؔع کی پہچان کی بڑی خوبی“‏ کیلئے قدردانی ظاہر کی۔ اس چیز نے اُسے ”‏پورے اعتقاد“‏ کیساتھ پیغام سنانے کی تحریک دی۔ (‏فل ۳:‏۸؛‏ ۱-‏تھس ۱:‏۵‏)‏ کچھ لوگ پولس کے پیغام کو بیوقوفی خیال کرتے تھے لیکن وہ جانتا تھا کہ یہ ”‏ہر ایک ایمان لانے والے کے واسطے .‏ .‏ .‏ نجات کیلئے خدا کی قدرت ہے۔“‏ (‏روم ۱:‏۱۶‏)‏ اسلئے پولس مخالفت کے باوجود، ”‏خداوند کے بھروسے پر دلیری سے کلام“‏ سناتا رہا۔—‏اعما ۱۴:‏۱-‏۷؛‏ ۲۰:‏۱۸-‏۲۱،‏ ۲۴‏۔‏

^۳ خدا سے قوت پانا:‏ پولس رسول کے دلیری سے خوشخبری سنانے کی وجہ اسکی اپنی قوت نہیں تھی۔ پولس نے اپنی اور سیلاس کی بابت لکھا:‏ ”‏پیشتر فلپیؔ میں دُکھ اُٹھانے اور بے‌عزت ہونے کے ہم کو اپنے خدا میں یہ دلیری حاصل ہوئی کہ خدا کی خوشخبری بڑی جانفشانی سے تمہیں سنائیں۔“‏ (‏۱-‏تھس ۲:‏۲؛‏ اعما ۱۶:‏۱۲،‏ ۳۷‏)‏ مزیدبرآں، جب پولس روم میں قید تھا تو اُس نے دوسروں سے اپنے حق میں دُعا کرنے کی درخواست کی تاکہ وہ ”‏خوشخبری کے بھید کو دلیری سے ظاہر“‏ کرتا رہے۔ (‏افس ۶:‏۱۸-‏۲۰‏)‏ پولس نے اپنی ذات کی بجائے یہوواہ پر بھروسا کِیا۔ یوں وہ خدا کے کلام کو دلیری سے سنانے کے قابل ہوا۔—‏۲-‏کر ۴:‏۷؛‏ فل ۴:‏۱۳‏۔‏

^۴ آجکل بھی یہ بات سچ ہے۔ ایک بھائی کو اپنی ملازمت کی جگہ پر یہوواہ کے گواہ کے طور پر اپنی شناخت کرانا اور گواہی دینا مشکل لگتا تھا۔ اُس نے خدا سے اس معاملے کے لئے دُعا کی اور گواہی دینا شروع کر دی۔ بھائی کی تمام‌تر کوششوں کے باوجود، اس کے ایک ساتھی کارکُن نے اس کی بات سننے سے انکار کر دیا۔ تاہم جب بھائی نے مُردوں کے جی اُٹھنے کی بابت اُسے بتایا تو ایک بائبل مطالعہ شروع ہوگیا۔ اُس وقت سے یہ بھائی اپنی ملازمت کی جگہ پر ہر موقع کو گواہی دینے کے لئے استعمال کر رہا ہے۔ اس بھائی نے ملازمت کی ایک دوسری جگہ پر ۱۴ سالوں میں ۳۴ ساتھی کارکنوں کی بپتسمہ لینے میں مدد کی ہے۔ ہم بھی یہوواہ پر بھروسا رکھ سکتے ہیں کہ وہ ہمیں اپنا ”‏کلام کمال دلیری“‏ سے سناتے رہنے کے لئے درکار قوت عطا کرے گا۔—‏اعما ۴:‏۲۹‏۔‏