ہم نوح کے طوفان سے کیا سبق سیکھ سکتے ہیں؟‏

خدا نے بُرے لوگوں کو ختم کر دیا لیکن نوح اور اُن کے گھر والوں کو بچا لیا۔‏ پیدایش 7:‏11، 12،‏ 23

چالیس دن اور چالیس رات تک بارش ہوتی رہی۔ پوری زمین پانی میں ڈوب گئی۔ سب بُرے لوگ مر گئے۔‏

بُرے فرشتوں نے اپنے انسانی جسم چھوڑ دئے اور وہ آسمان پر واپس چلے گئے۔‏

جو لوگ کشتی میں تھے، وہ زندہ رہے۔ سچ ہے کہ طوفان کے بہت سال بعد نوح اور اُن کے گھر والے مر گئے لیکن خدا اُن کو پھر سے زندہ کرے گا۔ تب اُن کو ہمیشہ تک زندہ رہنے کا موقع ملے گا۔‏

خدا پھر سے بُرے لوگوں کو ختم کرے گا اور نیک لوگوں کو بچا لے گا۔‏ متی 24:‏37-‏39

شیطان اور اُس کے فرشتے آج بھی لوگوں کو گمراہ کرتے ہیں۔‏

نوح کے زمانے کے لوگوں کی طرح آج بھی بہت سے لوگ یہوواہ خدا کی بات نہیں سننا چاہتے ہیں۔ بہت جلد خدا بُرے لوگوں کو ختم کر دے گا۔ —‏2-‏پطرس 2:‏5، 6‏۔‏

کئی لوگ نوح کی طرح ہیں۔ وہ خدا کی بات سنتے ہیں اور اِس پر عمل کرتے ہیں۔ یہ لوگ یہوواہ کے گواہ ہیں‏۔‏